29 сакавiка 2024, Пятніца, 1:33
Падтрымайце
сайт
Сім сім,
Хартыя 97!
Рубрыкі

Два гады без «Аўтарадыё»

18
Два гады без «Аўтарадыё»

12 студзеня 2011 калектыў радыёстанцыі быў пастаўлены перад фактам згортвання вяшчання.

Паводле афіцыйнай фармулёўкі, прычынай стала распаўсюджванне ў эфіры матэрыялаў, якія ўтрымлівалі «публічныя заклікі да экстрэмісцкай дзейнасці».

Такім чыноўнікі Міністэрства інфармацыі прызналі тэкст перадвыбарчага роліка кандыдата ў прэзідэнты Андрэя Саннікава - «Лёс краіны вызначаецца не на кухні, а на плошчы». Нягледзячы на тое, што рэкламны шаблон быў распаўсюджаны і афіцыйнымі СМІ, праблемы паўсталі толькі ў «Аўтарадыё».

Cпрэчная сітуацыя з Міністэрствам інфармацыі спачатку склалася на карысць «Аўтарадыё». 9 сакавіка 2011 года Вышэйшы гаспадарчы суд прызнаў неправадзейным папярэджанне Міністэрства інфармацыі, а таксама пастанову Рэспубліканскай камісіі тэлевізіі і радыёвяшчання аб спыненні вяшчання радыёстанцыі. Аднак ужо 17 сакавіка касацыйная калегія таго ж суда скасавала ранейшую пастанову, накіраваўшы справу на паўторны разгляд. Наступныя пасяджэнні нічога добрага калектыву «Аўтарадыё» не прынеслі, а 10 траўня касацыйная калегія Вышэйшага гаспадарчага суда канчаткова адхіліла скаргу кіраўніцтва радыёстанцыі аб прызнанні неправадзейнай пастановы спыніць вяшчанне.

Напісаць каментар 18

Таксама сачыце за акаўнтамі Charter97.org у сацыяльных сетках