banner1 banner1 banner1

18.01.2013

Выставу аб БНР не пусцілі ў Менск 2

12:59, — Культура

Выставу аб БНР не пусцілі ў Менск

У памяшканні Нацыянальнай бібліятэкі ў Празе адкрылася выстава «Невядомая Беларуская Народная Рэспубліка».

Невялікае памяшканне Славянскай бібліятэкі не змагло змясціць усіх, хто прыйшоў на адкрыццё выставы - жадаючых сабралася каля ста чалавек, і некаторым прыйшлося слухаць прамовы на адкрыцці, стоячы на лесвіцы, перадае «Радыё Свабода».

Першым выступіў дырэктар Славянскай бібліятэкі, якая з'яўляецца часткай Нацыянальнай бібліятэкі Чэхіі, Лукаш Бабка і пасля ён даў слова прадстаўніку ЕГУ Юрыю Бачышчу.

Бачышча распавёў аб гістарычных сувязях паміж Чэшскай Рэспублікай і Беларуссю, пачынаючы са св. Іераніма Пражскага, які нёс слова Божае на беларускія землі, а пазней аб дапамозе рыцараў у барацьбе чэшскага народа з крыжакамі. Як сказаў Бачышча, гэта была «барацьба за рэлігійную свабоду, якая з'яўляецца падмуркам любой свабоды». Потым гэтыя сувязі працягваліся праз дзейнасць Францыска Скарыны, які надрукаваў у Празе першы беларускі пераклад Бібліі і перайшлі праз стагоддзі да часоў БНР, якую падтрымала маладая Чэхаславацкая Рэспубліка, і цягнуцца да гэтага часу, калі ўрад Чэскай Рэспублікі падтрымлівае барацьбу беларускага народа за свабоду і дэмакратыю.

Сярод экспанатаў выставы, якую стварыў сябра Рады БНР Юрый Юркевіч, - выявы раней невядомых дакументаў Івана і Антона Луцкевічаў. Таксама ліст Язэпа Драздовіча Віленскаму беларускаму музею імя Івана Луцкевіча з прапановай набыць яго творы. Ліст датуецца 22 красавіка 1932 года. На выставе ёсць і матэрыялы Таварыства беларускай школы, а таксама дакументы, прысвечаныя беларускай ваеннай справе 1918-1920 гг.

Арганізатары выставы паспрабавалі правесці яе і ў Менск. І, як яны распавядаюць, частка экспанатаў - копіі гістарычных дакументаў на плакатах - была затрыманая на літоўска-беларускай мяжы, і гэтыя экспанаты не пусцілі ў Беларусь, патлумачыўшы, што яны былі не належна аформленыя.

На адкрыцці выставы прысутнічаў і першы сакратар амбасады Беларусі ў Празе Валянцін Шпак. На пытанне аб тым, ці ёсць шанцы для гэтай выставы трапіць у Менск, ён адказаў, што шанцы заўсёды ёсць, але на пытанне, чаму тады экспанаты выставы не пусцілі ў Беларусь, ён адказаў, што, мабыць, арганізатары недакладна аформілі дакументы і што гэта была чыста тэхнічная праблема.


Напісаць каментар (2)


Экспарт

Loading...

          Новости партнеров


Loading...



Курсы валют Нацыянальнага банка

Валюта  01.09.14  02.09.14
EUR13 740,0013 700,00
USD10 430,0010 430,00
RUB282,50280,00

Надвор'е ў Беларусі

   01.09   02.09 
Брэст Облачно+22
+12
Небольшая облачность+22
+10
Віцебск Возможен дождь+15
+9
Небольшая облачность+17
+7
Гомель Дождь+21
+13
Ясно+22
+9
Гродна Небольшая облачность+19
+8
Ясно+20
+8
Мінск Облачно+17
+7
Облачно+19
+8
Магілёў Возможен дождь+17
+8
Облачно+18
+8



Учора на сайце:

наведвальнікаў 254548
праглядаў 1550972

пн аў ср чц пт сб нд
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

Старая версія сайта

Канстытуцыя Рэспублікі Беларусь:

"Артыкул 34. Грамадзянам Рэспублiкi Беларусь гарантуецца права на атрыманне, захоўванне i распаўсюджванне поўнай, дакладнай i своечасовай iнфармацыi аб дзейнасцi дзяржаўных органаў, грамадскiх аб'яднанняў, аб палiтычным, эканамiчным, культурным i мiжнародным жыццi, стане навакольнага асяроддзя..."

Падпіска

       

Пакіньце Ваш e-mail: