banner1 banner1 banner1

20.01.2013

Дзярждэп ЗША заклікалі ўзмацніць санкцыі супраць Лукашэнкі важная навіна 14

11:22, — Палітыка

Дзярждэп ЗША заклікалі ўзмацніць санкцыі супраць Лукашэнкі

Кіраўнікі Свабоднага тэатра і кампаніі Free Belarus Now правялі шэраг сустрэч у Дзярждэпартаменце ЗША.

Наталля Каляда і Мікалай Халезін сустрэліся ў Вашынгтоне з намеснікам памочніка дзяржсакратара ЗША ў пытаннях дэмакратыі, правоў чалавека і працы Томасам Меліям, прадстаўніком Бюро еўрапейскіх і еўразійскіх спраў Дзярждэпартамента ЗША Дэніэлам Расэлам і амбасадарам па глабальных жаночых пытаннях Мелан Вэрвэер.

Падчас сустрэчы абмяркоўвалася патрэба ўвядзення больш жорсткіх санкцый супраць рэжыму Лукашэнкі, супрацоўніцтва кампаніі Free Belarus Now з юрыдычнай кампаніяй, што правяла Акт Магніцкага, падрыхтоўка пашыранага спісу беларускіх прадпрыемстваў і афіцыйных асоб, адказных за рэпрэсіі і фальсіфікацыі, прасоўванне гэтага спісу ў Еўразвязе, дзе новыя юрыдычныя ўмовы і прэцэдэнт з Актам Магніцкага дазваляюць узмацніць ціск на беларускія ўлады.

Халезін і Каляда таксама распавялі амерыканскім дыпламатам пра сітуацыю з палітычнымі зняволенымі, варункі ўтрымання іх у турмах і ўзмацненні рэпрэсій супраць апазіцыі. Асобна было расказана аб становішчы жонкі экс-кандыдата ў прэзідэнты Андрэя Саннікава, журналісткі Ірыны Халіп і пра тое, што Лукашэнка ўжо двойчы падмануў грамадскасць, заявіўшы, што яна можа выехаць з краіны.

Прадстаўнікі кампаніі Free Belarus Now заклікалі не здымаць санкцыі з міністра замежных спраў Беларусі Уладзіміра Макея, які меў забарону на ўезд у краіны ЕЗ і ЗША, а таксама скасаваць правядзенне чэмпіянату свету ў хакеі ў Менску.

Супрацоўнікі Дзярждэпартамента запэўнілі беларусаў, што пры змене кіраўніцтва замежнапалітычнага міністэрства ЗША беларуская тэма не сыдзе з поля ўвагі Дзярждэпартамента і адміністрацыі Барака Абамы.

Мікалай Халезін і Наталля Каляда таксама сустрэліся з прадстаўнікамі Хельсінскай камісіі Кангрэсу ЗША Орэстам Дзячкоўскім і Полам Картэрам, супрацоўнікамі офіса сенатара Дзіка Дурбіна і кіраўніком няўрадавай арганізацыі Freedom House Дэвідам Крэмэрам.

«Нашы сустрэчы прайшлі ў рэжыме традыцыйных кансультацый. Мы радыя, што адміністрацыя прэзідэнта Абамы не адступае ад дэклараваных прынцыпаў непрымання беларускай дыктатуры. Сёння ў Еўразвяза з'явіліся новыя магчымасці ціску на рэжым Лукашэнкі, і перш чым мы актыўна пачнем лабіяваць прыняцці пастаноў у ЕЗ, нам хацелася заручыцца падтрымкай адміністрацыі прэзідэнта Абамы. Мы атрымалі запэўніванні ў тым, што Злучаныя Штаты не адступяць ад сваіх пазіцый і прадоўжаць ціск на беларускую дыктатуру.

Беларускі рэжым павінен цвяроза разумець, што мы не спынімся ў пошуку метадаў ціску на яго, пакуль не будуць вызваленыя палітвязні, і ў краіне не адбудуцца дэмакратычныя выбары кіраўніцтва», - сказала ў інтэрв'ю charter97.org Наталля Каляда.



Напісаць каментар (14)

Падзяліся!






Учора на сайце:

наведвальнікаў 294461
праглядаў 1667052

Папулярныя навіны

Дзень Волі ў Менску: Мы - еўрапейцы (Відэа, онлайн) (80879)

25.03, 14:45, — Палітыка

«Перадсмяротныя хрыпы даляра» - новы «шэдэўр» расейскай прапаганды (Фота) (66746)

22.03, 15:10, — У свеце

СМИ: Сын Януковича утонул на Байкале (55900)

22.03, 13:50, — Палітыка

Жыхары аграгарадка пад Магілёвам пагражаюць Лукашэнку Майданам (50894)

22.03, 9:55, — Грамадства

У Дзярждуме заклікаюць увесці войскі ва Украіну (44886)

24.03, 11:15, — Украіна

Эксперт: Стратегия Путина в отношении Украины изменилась, и он перешел к плану «Б» (44045)

23.03, 16:45, — Украіна

Портнікаў: Пуцін разыграе карту «сыход з Данбаса» (43116)

24.03, 12:03, — Украіна

Кангрэс ЗША прыняў рэзалюцыю аб пастаўках зброі Украіне (39468)

24.03, 8:02, — Украіна

Беларускія ўлады гатовыя прыцягваць да крымінальнай адказнасці ўладальнікаў сайтаў і каментатараў (38488)

26.03, 7:05, — Палітыка

Березовец: Порошенко взял паузу. Он решает, что делать дальше (36672)

24.03, 17:35, — Украіна

пн аў ср чц пт сб нд
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

Старая версія сайта

Канстытуцыя Рэспублікі Беларусь:

"Артыкул 34. Грамадзянам Рэспублiкi Беларусь гарантуецца права на атрыманне, захоўванне i распаўсюджванне поўнай, дакладнай i своечасовай iнфармацыi аб дзейнасцi дзяржаўных органаў, грамадскiх аб'яднанняў, аб палiтычным, эканамiчным, культурным i мiжнародным жыццi, стане навакольнага асяроддзя..."

Падпіска

       

Пакіньце Ваш e-mail: