Знішчэнне гістарычнага Менска вырашылі яшчэ раз абмеркаваць

29 студзеня адбудзецца сход па пытанні грамадскага абмеркавання праекта забудовы гістарычнага цэнтра Менска.

Менчукі занепакоеныя планаванай забудовай, так як прадстаўлены план падрыхтаваны са шматлікімі парушэннямі заканадаўства.

Збор для грамадскага абмеркавання праекта «Унясенне змяненняў у горадабудаўнічы праект дэталёвага планавання, рэканструкцыі, рэстаўрацыі, аднаўлення і добраўпарадкавання гістарычнага цэнтра Менска» адбудзецца 29 студзеня ў 17.30 у актавай зале адміністрацыі Цэнтральнага раёна г. Менска (вул.Мельнікайтэ, 6).

Менчукоў заклікаюць прыйсці і азнаёміцца з матэрыяламі экспазіцыі прапанаванага да рэалізацыі праектнага рашэння аб'екта будаўніцтва, а таксама пакінуць свае пісьмовыя каментары ў холе 3-га паверха каля ўваходу ў актавую залу будынка адміністрацыі раёна Менска.