Нетаньяху заявіў пра перамогу на парламенцкіх выбарах у Ізраілі
7- 23.01.2013, 9:42
Прэм'ер-міністр Ізраіля Біньямін Нетаньяху заявіў аб сваёй перамозе на парламенцкіх выбарах.
Таксама ён падзякаваў выбаршчыкаў за аказаны давер і назваў сваёй асноўнай задачай барацьбу з ядзернай пагрозай з боку Ірана, паведамляе «Інтэрфакс».
Згодна з вынікамі апытанняў на выхадзе з выбарчых участкаў, альянс правых партый на чале з Біньямінам Нетаньяху сапраўды атрымаў перамогу, аднак будзе валодаць менш важкай большасцю галасоў, чым у мінулым складзе парламента, саступіўшы месца левацэнтрысцкім сілам.
За 120 месцаў у парламенце Ізраіля - Кнэсеце - змагаліся 32 партыі.
Выбары ў Ізраілі праходзяць па прапарцыйнай сістэме. Для таго каб атрымаць месца ў парламенце, партыі неабходна заручыцца падтрымкай не менш 2% ад усіх тых, хто прагаласаваў.