КНДР заявіла пра ядзернае выпрабаванне
3- 24.01.2013, 9:53
Паўночная Карэя абвясціла пра планы правядзення трэцяга выпрабавання ядзернай боегалоўкі.
Цэнтральнае тэлеграфнае агенцтва КНДР перадало паведамленне камандавання ўзброенымі сіламі краіны, якое заявіла, што «ядзернае выпрабаванне высокага ўзроўню» і далейшыя запускі ракет далёкага радыусу дзеяння накіраваныя супраць «заклятага ворага» Пхеньяна, ЗША.
Перыяд часу, калі павінны адбыцца выпрабаванні, не ўдакладняецца. На сапраўдны момант Паўночная Карэя правяла два ядзерных выпрабаванні, у 2006 і 2009 гадах, перадае ВВС.
Толькі днём раней, у сераду, міністэрства замежных спраў КНДР заявіла аб намеры нарошчваць ваенную моц краіны і развіваць праграму «ядзернага стрымлівання» - у адказ на ўвядзенне новых санкцый з боку ААН за нядаўні запуск Пхеньянам новай ракеты.
Кіраўніцтва Паўночнай Карэі настойвае, што ракета толькі вывела на арбіту касмічны спадарожнік.