Гандлёвая вайна з Украінай?

Беларусь можа забараніць увоз украінскіх тавараў на сваю тэрыторыю.

Пра гэта заявіў украінскі эксперт па пытаннях агра-прамысловага комплексу Уладзімір Канавальчук у каментары сайту golos.ua.

На яго думку, так беларускі бок можа адказаць на забарону ўвозу прадукцыі беларускіх малаказаводаў.

«Такога роду абмежаванні нярэдка прыводзяць да таго, што другі бок канфлікту спрабуе ўвесці рознага роду санкцыі ў адказ. І цяпер яны цалкам могуць быць ужытыя ў адносінах да Украіны. На падобныя працэсы там ўплывае Лукашэнка. Мы назіралі гэта ў мінулым, калі ўкраінскі бок нешта забараняў, і вынікала зваротная рэакцыя з беларускага боку - забараняўшага, у сваю чаргу, нешта ўкраінскае», - лічыць ён.

Пры гэтым Уладзімір Канавальчук адзначыў, што санкцыі з беларускага боку могуць паўстаць, у прыватнасці, у тым выпадку, калі такая забарона будзе працягвацца доўга.

«Гэта таксама можа быць прадукцыя малочнай прамысловасці, сыры, збожжа», - дадаў эканаміст.

Нагадаем, што паводле дадзеных Дзяржаўнай ветэрынарнай і фітасанітарнай службы Украіны, з 21 студзеня забараняецца ўвозіць на тэрыторыю краіны прадукцыю беларускіх малаказаводаў «Бабушкина крынка» і «Малочныя прадукты», а з 23 студзеня - «Аршанскі малочны камбінат».