Лукашэнка ўгледзеў пагрозу ў інфармацыйных плынях
149- 25.01.2013, 12:10
Дыктатар запатрабаваў забеспячэння абароны ад новых пагроз у сферы інфармацыйных тэхналогій.
«Паглядзіце, як радыкальна змяніўся свет, якія каласальныя інфармацыйныя патокі ўздзейнічаюць на кожнага чалавека. Разам з прагрэсіўнымі рэчамі яны ствараюць нябачаныя раней магчымасці для маніпуляцый як і асобнай асобай, так і велізарнымі масамі людзей», - заявіў сёння Лукашэнка на цэрымоніі ўручэння дыпломаў доктара навук і атэстатаў прафесара навуковым і навукова-педагагічным работнікам, піша «Інтэрфакс».
«Прырода ўсіх гэтых з'яў патрабуе глыбокага вывучэння, з тым, каб мы маглі ўзяць ад новай кампутарнай цывілізацыі ўсе яе выгоды і абараніць сябе ад новых пагроз».
Лукашэнка таксама звярнуў увагу на ўдзел навукі ў вырашэнні сацыяльных пытанняў. «Навука пра грамадства, пра чалавека павінна даваць нам глыбокае разуменне тых глабальных пераўтварэнняў, якія адбываюцца ў свеце і якія не могуць не закранаць нас», - сказаў ён.
Кіраўнік лічыць неабходным істотна павысіць ролю навукі ў падрыхтоўцы кіраўніцкіх рашэнняў, планаў, прагнозаў сацыяльна-эканамічнага развіцця краіны. «Для вырашэння гэтых маштабных задач патрабуюцца сучасныя творча думаючыя даследчыкі», - заявіў Лукашэнка.