Apple пазбавілася статусу найдаражэйшай кампаніі свету
25- 26.01.2013, 10:29
Кампанія Apple падчас таргоў у пятніцу, 25 студзеня, перастала быць найдаражэйшай публічнай кампаніяй у свеце.
Як паведамляе Reuters, яна зноў саступіла гэтае званне карпарацыі Exxon Mobil, піша Lenta.Ru.
Акцыі Apple падчас таргоў патаннелі на 2,4 адсоткі, іх кошт у выніку склаў 439,88 даляра за штуку. Такім чынам, капіталізацыя кампаніі склала 413 млрд даляраў.
Акцыі Exxon Mobil, наадварот, падаражэлі на 0,4 адсоткі - да 91,73 даляра за штуку. Капіталізацыя кампаніі дасягнула 418,2 мільярда даляраў.
Агенцтва адзначае, што з верасня 2012 года рынкавая капіталізацыя Apple знізілася прыкладна на 250 мільярдаў даляраў.
Apple упершыню абагнала Exxon Mobil і стала самай дарогай кампаніяй у жніўні 2011 года.