РЕН ТВ: Старая хвароба Лукашэнкі - мазаічная псіхапатыя (Відэа)
280- 26.01.2013, 17:48
Пра «замахі» на Лукашэнку распавялі ў праграме Анны Чапман «Таямніцы свету».
Праграма «Таямніцы свету» на расейскім тэлеканале РЕН ТВ, якую вядзе былая расейская шпіёнка, мае рэпутацыю «жоўтай» і не абцяжарвае сябе пошукамі дакладнай інфармацыі.
У апошнім выданні «Таямніц свету» - «Адкрыцці. Агенты ў белых халатах» - распавядаецца быццам аб замахах на Лукашэнку, арганізаваных ЦВА.
Першым разам беларускага дыктатара, паводле версіі Чапман, спрабавалі атруціць бруснічным сокам, другім разам на ім выпрабоўвалі новы тып наркотыкаў, трэцім разам - побач з ім распылілі газ, які - цытуем - «павінен быў прымусіць прагрэсаваць старую хваробу Лукашэнкі - мазаічную псіхапатыю» .
Пры гэтым, аўтары праграмы сцвярджаюць, што Лукашэнка добра выглядае толькі з прычыны таго, што карыстаецца невядомымі таблеткамі, вынайдзенымі яшчэ для савецкіх правадыроў.
Увогуле, гэта трэба бачыць. З Лукашэнкі выдатна паздзекаваліся.