У Іране вынайшлі аўтамат для адсякання рук

Улады Ірана прадэманстравалі грамадзянам аўтаматызаваную прыладу пакарання, выкарыстанне якой адпавядае нормам ісламскага права.

Гаворка ідзе пра прыладу, якая дазваляе адсякаць рукі злачынцам, абвінавачаным у крадзяжы, піша РБК.

Магчымасці новай прылады прадэманстравалі на адным з асуджаных. Мужчыну, якога прызналі вінаватым ва ўчыненні крадзяжу і ў распусце, адсеклі чатыры пальцы на адной з рук.

Паводле дадзеных Islamic Society of North America, акрамя атрыманага пакарання, злодзей быў прысуджаны да трохгадовага тэрміну зняволення ў турме. Звыш гэтага, мужчына атрымае яшчэ 99 бізуноў.

Паводле слоў пракурора Шыразі, прысуд будзе прыведзены ў выкананне ў бліжэйшы час.

У адпаведнасці з законамі Ірана, духавенства валодае шырокімі ўладнымі прэрагатывамі. У прыватнасці, рэлігійны лідар мусульман-шыітаў Алі Хамэнэі надзелены паўнамоцтвамі, якія можна параўнаць з прэзідэнцкімі.