29 сакавiка 2024, Пятніца, 12:07
Падтрымайце
сайт
Сім сім,
Хартыя 97!
Рубрыкі

Сведка: У справе Васільева - несастыкоўкі

15
Сведка: У справе Васільева - несастыкоўкі

На працэсе над былым першым намеснікам старшыні Менгарвыканкама Ігарам Васільевым за зачыненымі дзвярыма прайшлі судовыя спрэчкі.

Неўзабаве - прысуд, перадае «Радыё Свабода».

Пасля 8 лютага будзе пастаўленая кропка ў працэсе над былым першым намеснікам старшыні Менгарвыканкаму Ігарам Васільевым. Паводле прэсавай сакратаркі Менскага абласнога суду ўжо адбыліся судовыя спрэчкі і на 8 лютага прызначана апошняе слова абвінавачанага. Прысуду можна чакаць 9 лютага ці ў пазнейшыя дні. Ігар Васільеў сваёй віны ў атрыманні хабару ў 500 тысяч даляраў на пачатку працэсу не прызнаваў, а што ён кажа цяпер, невядома. З 4 студзеня працэс закрылі ад грамадзкасці, спаслаўшыся на тое, што ў справе мусяць вывучаць апэратыўныя дакументы з грыфам «сакрэтна».

Сведка, прадпрымальнік Ігар Смятанін, які ў судзе зняпраўдзіў вэрсію следства пра хабар, гэтак мяркуе пра тое, чаму закрылі працэс: «Як чаму закрылі? Пасля таго, як я выступіў, у іх пайшлі несастыкоўкі. Спачатку казалі, што нібыта пасля прэзентацыі дамаўляліся несці хабар Васільеву. А потым высветлілася, што гэта было нібыта ў лютым. Там шмат пытанняў адносна следства».

У спрэчках ўжо выступіў з патрабаваннем канкрэтнага пакарання Ігару Васільеву прадстаўнік пракуратуры Андрэй Лыцін. Ці вядома, якое пакаранне патрабуе пракурор Васільеву? Нават у Генеральнай пракуратуры пра гэта не кажуць.

Напісаць каментар 15

Таксама сачыце за акаўнтамі Charter97.org у сацыяльных сетках