Аварыя на Менскай ЦЭЦ-5?
198
10:34, — Здарэнне
Нібыта з ладу выйшла новая кітайская турбіна вагой больш за 400 т.
Як паведаміў чытач charter97.org, з сярэдзіны снежня 2012 года сярод спецыялістаў беларускай энергасістэмы распаўсюджваецца інфармацыя аб выбуху на Менскай ЦЭЦ-5.
Гаворка ідзе пра новы праект РУП «Менскэнерга» сумесна з Кітайскай нацыянальнай карпарацыяй, у рамках якога кітайцы атрымалі кантракт на выкананне на Менскай ЦЭЦ-5 комплекснага будаўніцтва з праектаваннем і камплектацыяй парагазавага энергаблока магутнасцю 399,6 МВт. У склад энергаблока ўваходзяць газавая турбіна M701F магутнасцю 270 МВт, кацёл-утылізатар і і паравая турбіна магутнасцю 129,6 МВт. Кошт будаўніцтва пракрэдытаваў кітайскі бок, сума склала 260,19 млн еўра. Энергаблок уключаны на паралельную працу з энергасістэмай у снежні 2011 года.
Паводле інфармацыі крыніцы, «ёсць версія, што адбыўся адрыў лапаткі турбіны і яе трапленне ў камеру згарання. Аператыўны персанал МТЭЦ-5 пазбягае размоў на гэтую тэму, але асобныя спецыялісты дзеляцца адзін з адным скупой інфармацыяй».
Наколькі сур'ёзная аварыя, чытач не ўдакладняе, аднак кажа, што сам выбух было чуваць нават «у ваколіцах ЦЭЦ».
У Міністэрстве энергетыкі журналісту charter97.org адмовіліся даваць якую-небудзь інфармацыю пра здарэнне на ЦЭЦ-5 са словамі «не лічым карэктным каментаваць» і параілі звярнуцца ў ДВА «Белэнерга». У сваю чаргу, у прэс-службе «Белэнерга» прапанавалі накіраваць «афіцыйны запыт». «Мы яго разгледзім і дамо адказ», заявілі ў прэс-службе «Белэнерга».
Каб зразумець, з якімі цяжкасцямі могуць сутыкнуцца беларускія энергетыкі, дастаткова ўзгадаць, што для дастаўкі абсталявання на месца распрацоўвалася спецыяльная праграма: ствараўся праект будаўніцтва прычала на р. Бярэзіна, куды дастаўляліся звышмагутныя цягачы, так як ПДУ мае чатыры буйнагабарытных элемента: трансфарматар, газавую турбіну, ротар генератара і паравую турбіну. ПДУ накіроўвалася на ЦЭЦ-5 спачатку па Дняпры, а затым па Бярэзіне - да г. Беразіно. На прычале былі ўсталяваныя спецыяльныя прыстасаванні, каб зняць груз з барж і пагрузіць на цягачы. Затым абсталяванне даставілі на месца, папярэдне ўмацаваўшы масты і дарогі, па якіх правозілі абсталяванне.
У выніку мадэрнізацыі Менская ЦЭЦ-5, якую, дарэчы, да аварыі на ЧАЭС будавалі як першую беларускую АЭС, стала чацвёртай па магутнасці станцыяй ў беларускай энергасістэме.
Напісаць каментар (198)
Навіны
па тэме
- Лукашенко: Строить будем на условиях Владимира Ильича
- Госпроекты, которые провалились
- Мінэнерга мадэрнізуе ЦЭЦ і падвысіць кошты на ацяпленне
Экспарт
Новости партнеров
