У «Белую Русь» вярбуюць на сустрэчах з «дэпутатамі»
13- 30.01.2013, 12:49
«Дэпутат» ад Барысаўскага раёна Віктар Гумінскі, з'яўляючыся старшынём Менскай абласной арганізацыі РГА «Белая Русь», спалучае «прыемнае з карысным».
На сустрэчах з выбаршчыкамі ён паралельна займаецца справамі грамадскай арганізацыі «Белая Русь», піша ПЦ «Вясна».
Так, у вёсцы Весялова, дзе ён сустракаўся з выбаршчыкамі сваёй акругі, на заканчэнне прыймання Гумінскі ўручаў членскія білеты арганізацыі асобам, якія ўступілі ў шэрагі першаснай арганізацыі Барысаўскай РА РГА «Белая Русь» гэтага населенага пункта. Гэтая гісторыя паўтарылася і ў аграгарадку Лошніца, дзе «дэпутат» уручыў членскія білеты 57 чалавекам.
Прыйманне выбаршчыкаў у самім горадзе Барысаве Віктар Гумінскі праводзіў у грамадскай прыймальні «Белай Русі» ў будынку Барысаўскага райвыканкама. Гэта таксама даводзіцца тлумачыць, як асаблівае прасоўванне прапрэзідэнцкай грамадскай арганізацыі з выкарыстаннем службовага становішча.