БКК падвысіла кошты для Бразіліі

ЗАТ "Беларуская калійная кампанія" з 1 красавіка падвысіла кошт на хлоркалій для Бразіліі з $450 да $465 за тону.

Інфармацыю аб падвышэнні пацвердзілі прэс-службы ААТ "Уралкалій" і ЗАТ "БКК".

Паводле паведамленняў прадпрыемстваў, з траўня "БКК" зноў падвысіць кошты на хлорысты калій. Трэйдар праінфармаваў бразільскіх партнёраў аб падвышэнні коштаў.

Нагадаем, у сярэдзіне студзеня 2013 ЗАТ "Беларуская калійная кампанія" уклала кантракт з кампаніямі Sinochem і CNAMPGC - найбуйнейшымі кітайскімі імпарцёрамі мінеральных угнаенняў. Паводле дамовы, БКК паставіць двум кітайскім кампаніям 700 тыс т калію коштам $400 за 1 т. Да кантракта прыкладаецца опцыя на 300 тыс т калія тым жа коштам. Тэрмін выканання кантракту - з 15 студзеня да 30 чэрвеня 2013 г. Такім чынам, кошт пастаўкі знізіўся на $ 70 за 1 т або на 15%. Экспарт калію прыносіць Беларусі прыблізна 15% валютнай даходу і з'яўляецца найважнейшым артыкулам даходаў разам з валютнай выручкай ад экспарту нафтапрадуктаў і нафты.

Пасля гэтага, 23 студзеня пасол Індыі ў Беларусі заявіў аб тым, што ў бліжэйшы час краіна ўстрымаецца ад заключэння кантракту з "БКК" на пастаўкі калійных угнаенняў праз празмернасць гэтай прадукцыі на індыйскім рынку. Паводле слоў пасла, Індыя гатовая купляць у Беларусі каля 2,7 млн т калійных угнаенняў у год. Чарговы раунд перамоў пра пастаўкі БКК адбудзецца ў лютым.

Дзель "Беларускай калійнай кампаніі" на сусветным рынку калійных угнаенняў ацэньваецца ў 43%. Пераемнікам "БКК" павінна стаць ствараемая кампанія "Союзкалій" з офісам ў Швайцарыі, пачатак яе працы запланаваны на люты-сакавік 2013 года. Паводле вынікаў 2012 года Беларусь не атрымала чаканага прыбытку ад экспарту хлоркалію.