Насту Дашкевіч знялі з цягніка Менск-Вільня
31
10:43, — Палітыка
Жонка палітвязня Змітра Дашкевіча ехала на сесію ў Еўрапейскі гуманітарны ўніверсітэт.
Прычына - яна не памяняла пашпарт пасля шлюбу, паведамляе «Еўрарадыё».
Як паведаміла Наста, перад паездкай яна адмыслова ўдакладняла інфармацыю ў пашпартным стале. Бо яна ўзяла прозвішча Дашкевіч і павінна была памяняць пашпарт. Аднак яе супакоілі, што ўсё ў парадку: калі ў пашпарце не паставілі штамп «ануляваны», то з ім ехаць можна, проста паказаўшы штамп аб рэгістрацыі шлюбу. Дзяўчына не хацела мяняць адразу пашпарт, бо ў ім была віза - а атрыманне новай заняло б час.
Са слоў Насты Дашкевіч, спачатку памежнікі сказалі ёй, што праблем няма, але потым іх начальніку перадалі праз рацыю: «Дашкевіч на выхад». У гэты момант Наста знаходзіцца на мяжы і шукае спосаб дабрацца дадому.
Да паездкі на сесію ў ЕГУ Наста рыхтавалася доўгі час. Нагадаем, з палітвязнем Змітром Дашкевічам яна пабралася шлюбам 26 снежня ў гарадзенскай турме.
Напісаць каментар (31)
Навіны
па тэме
- Наста Дашкевіч: У Змітра праз стрэсы абвастрылася хвароба
- Анастасія Дашкевіч: Зміцер выглядае, як вязень пасля паўгода карцэраў
- Зміцер Дашкевіч і Наста Палажанка ажаніліся
Экспарт
Новости партнеров
