banner1 banner1 banner1

31.01.2013

«Невыязныя» спрабуюць праткнуцца ў ЕЗ пад чужымі прозвішчамі важная навіна 106

13:59, — Палітыка

«Невыязныя» спрабуюць праткнуцца ў ЕЗ пад чужымі прозвішчамі

Чыноўнікі і суддзі мяняюць прозвішчы, каб патрапіць у Еўразвяз.

Дыпламат амбасады адной з краін Еўразвязу тлумачыць, ці могуць людзі з «чорнага спісу» атрымаць шэнгенскую візу, калі, напрыклад, зменяць прозвішча.

Падставай для такога пытання ад «Радыё Свабода» стаў той факт, што невыязная суддзя Жанна Дубініна з суда Заводскага раёна Менска надоечы стала Жаннай Роўдай.

На гэты момант «чорны спіс» беларускіх чыноўнікаў, якім забаронены ўезд у краіны Еўразвязу, змяшчае 231 прозвішча, у тым ліку Аляксандра Лукашэнкі. Гэта людзі, якія маюць дачыненне да парушэння правоў чалавека і фальсіфікацый вынікаў выбарчых кампаній.

- Каб атрымаць візу на ўезд, трэба спачатку падаць адпаведныя дакументы да нас, - кажа консул амбасады адной з краін Еўразвязу ў Беларусі. - Мы, у сваю чаргу, паведамляем гэтыя звесткі ў Брусэль. Там існуе спецыяльная сістэма праверкі. Як яна дзейнічае, я, па-першае, не магу казаць, а па-другое, і сам ведаю гэтую працэдуру толькі ў агульных рысах.

На мой погляд, сістэма працуе нядрэнна. Напрыклад, я ведаю, што з яе дапамогай скасаваліся дзве спробы людзей з «чорнага спісу» атрымаць шэнгенскую візу, калі яны змянілі ў сваіх прозвішчах адну-дзве літары. Забарону наклалі менавіта ў Брусэлі. І таму калі хтосьці кажа, што яму адмовілі ў візе ў пасольстве Літвы, Эстоніі, Польшчы ці ўсялякай іншай краіны ЕЗ, то гэта не так. Шлагбаўм для іх апусцілі не ў Менску, а ў Брусэлі.

- Ці можна ў такім выпадку даць 100% гарантыі, што людзі з гэтага спісу не трапяць у Еўразвяз?

- 100% гарантыі, мабыць, даваць нельга. Бо прадугледзець усё чыста ў жыцці немагчыма. Напрыклад, выпішуць чалавеку з спісу новы пашпарт на абсалютна іншае прозвішча. Я маю на ўвазе не тыя выпадкі, калі чалавек бярэ або касуе шлюб і ягонае прозвішча праз гэта мяняецца. А наогул бярэцца нейкае іншае імя, як той казаў, проста з галавы. Умоўна кажучы, Сівакоў раптам стане Дзянісавым.

- А хіба такое прынцыпова магчыма?

- У Беларусі, як мне здаецца, магчыма ўсё.


Навіны
па тэме


Напісаць каментар (106)

Падзяліся!




Меркаванне


Дыялог начальніка калоніі з зэкамі

Дыялог начальніка калоніі з зэкамі

Наталля Радзіна

Руки прочь от Беларуси!

Руки прочь от Беларуси!

Дмитрий Дрозд

Хотел как лучше, обманул как всегда!

Хотел как лучше, обманул как всегда!

Анатолий Лебедько

Рыжы

Рыжы

Зміцер Дашкевіч

Танкавы прарыў у мінулае стагоддзе

Танкавы прарыў у мінулае стагоддзе

Уладзімір Халіп



Учора на сайце:

наведвальнікаў 346274
праглядаў 2512125

пн аў ср чц пт сб нд
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

Старая версія сайта

Канстытуцыя Рэспублікі Беларусь:

"Артыкул 34. Грамадзянам Рэспублiкi Беларусь гарантуецца права на атрыманне, захоўванне i распаўсюджванне поўнай, дакладнай i своечасовай iнфармацыi аб дзейнасцi дзяржаўных органаў, грамадскiх аб'яднанняў, аб палiтычным, эканамiчным, культурным i мiжнародным жыццi, стане навакольнага асяроддзя..."

Падпіска

       

Пакіньце Ваш e-mail: