banner1 banner1 banner1

4.01.2013

Справа Гайдукова: два месяцы за кратамі і мінімум інфармацыі важная навіна 6

8:48, — Палітыка

Справа Гайдукова: два месяцы за кратамі і мінімум інфармацыі

Андрэй Гайдукоў у турме ўжо амаль 2 месяцы, але афіцыйнай інфармацыі пра справу практычна няма.

За час расследавання ў справе з'явіўся яшчэ адзін падазраваны. Дата суда па-ранейшаму не вядомая, паведамляе «Еўрарадыё».

З моманту вяртання Андрэя Гайдукова ў «амерыканку» інфармацыі пра яго практычна няма. 29 снежня сястра адвезла перадачу, але невядома нават, ці атрымаў яе арыштаваны да наступлення Новага года.

У зняволенні Гайдукоў знаходзіцца з 8 лістапада, а афіцыйнай інфармацыі пра яго справу - мінімум. Вядомае толькі прозвішча следчага - Барысевіч - і артыкул - «здрада дзяржаве». Больш нічога. Гайдукова спачатку перавезлі з Віцебска ў Менск у «амерыканку», затым ён патрапіў у віцебскі СІЗА, адкуль у канцы снежня зноў нечакана вярнуўся ў Менск. Правёў некалькі дзён у «Валадарцы», затым зноў трапіў у «амерыканку». Прычыны гэтых пераводаў таксама невядомыя.

Валянцін Стэфановіч, праваабаронца з «Вясны», незадаволены адсутнасцю інфармацыі па справе Гайдукова. Спадзяецца, што хоць бы суд атрымаецца зрабіць адкрытым.

«Будзем патрабаваць правядзення адкрытага судовага працэсу, каб даць поўную ацэнку таго, што адбываецца. А ўлічваючы тое, што іншы фігурант справы знаходзіцца пад падпіскай (Ілля Багданаў), я думаю, што не было б ніякай шкоды ад вызвалення Гайдукова з-пад варты», - кажа праваабаронца.

Але калі суд адбудзецца і ці адбудзецца зусім, - ніхто не ведае. Валянцін Стэфановіч кажа, што следства можа зацягнуцца. Гэта ўжо як следчы вырашыць.

Пра тое, што яно вядзецца, сведчаць не толькі пастаянныя перамяшчэнні Гайдукова паміж рознымі СІЗА. За амаль два месяцы ў справе з'явіўся яшчэ адзін падазроны - Ілля Багданаў. Яго ўпершыню затрымалі таксама 8 лістапада, але адпусцілі пасля першага допыту ў тую ж ноч, прывезлі з Віцебска ў Менск. Прычыны ператварэння са сведкі ў падазраванага Багданаву не вядомыя. Размаўляючы пра гэта з карэспандэнтам, хлопец моцна хвалюецца.

«Я нават не ведаю. Мне здаецца, што чым больш падазраваных па гэтай справе, тым лепш... Як мне сказалі, паказанні разыходзяцца, і таму мяне перавялі ў разрад падазраваных», - кажа ён.

Тым часам закрытасць справы спараджае мноства чутак і версій. Сярод віцебскіх апазіцыянераў самая папулярная версія аб тым, што спецслужбы хочуць паставіць на месца найбольш актыўных дзеячаў. Маўляў, Андрэй Гайдукоў з паплечнікамі разгарнулі занадта шырокую дзейнасць. Асабліва ў сферы міжнародных кантактаў. За што і паплаціліся. Грамадзянская кампанія «Еўрапейская Беларусь» заявіла аб тым, што актывіст быў затрыманы за распаўсюджванне газеты «Хартыя'97».

Пераслед апазіцыянераў з боку беларускіх спецслужбаў не з'яўляецца чымсьці незвычайным. Аднак афіцыйна Гайдукоў затрыманы за «здраду дзяржаве». Падрабязнасці стануць вядомыя (калі гэта наогул адбудзецца) толькі падчас суда.

Праваабаронцы будуць патрабаваць правядзення адкрытага працэсу над удзельнікамі справы.

Нагадаем, учора стала вядома, што Андрэю Гайдукову зноў адмовілі ў сустрэчы з адвакатам.


Напісаць каментар (6)


Навіны
па тэме

Экспарт

Loading...

          Новости партнеров


Loading...



Надвор'е ў Беларусі

   01.10   02.10 
Брэст Ясно+16
+4
Солнечно+15
+3
Віцебск Небольшая облачность+11
+1
Солнечно+11
0
Гомель Солнечно+13
0
Солнечно+13
-1
Гродна Ясно+14
+3
Солнечно+14
+2
Мінск Солнечно+13
+1
Солнечно+12
0
Магілёў Ясно+12
0
Солнечно+12
0

Курсы валют Нацыянальнага банка

Валюта  30.09.14  01.10.14
EUR13 420,0013 430,00
USD10 580,0010 590,00
RUB269,00269,00

Меркаванне


Майра Мора яднае беларусаў

Майра Мора яднае беларусаў

Уладзімір Халіп

Goodbye Ленин

Goodbye Ленин

Валентин Стефанович

За что они воюют?

За что они воюют?

Виктор Леденев

Котел Кирилла

Котел Кирилла

Дмитрий Дашкевич

Кости для фрау Риббентроп

Кости для фрау Риббентроп

Александр Томкович



Учора на сайце:

наведвальнікаў 314765
праглядаў 1850271

пн аў ср чц пт сб нд
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

Старая версія сайта

Канстытуцыя Рэспублікі Беларусь:

"Артыкул 34. Грамадзянам Рэспублiкi Беларусь гарантуецца права на атрыманне, захоўванне i распаўсюджванне поўнай, дакладнай i своечасовай iнфармацыi аб дзейнасцi дзяржаўных органаў, грамадскiх аб'яднанняў, аб палiтычным, эканамiчным, культурным i мiжнародным жыццi, стане навакольнага асяроддзя..."

Падпіска

       

Пакіньце Ваш e-mail: