28 сакавiка 2024, Чацвер, 23:15
Падтрымайце
сайт
Сім сім,
Хартыя 97!
Рубрыкі

«Белпошта» прапануе падпісацца на часопіс за 110 мільёнаў

22
«Белпошта» прапануе падпісацца на часопіс за 110 мільёнаў

Падпіска на асноўныя беларускія газеты на першае паўгоддзе 2013 года падаражэла ў 1,1-1,3 разы, у параўнанні з другім паўгоддзем 2012 года.

Пра гэта сведчыць праведзенае БелаПАН параўнанне коштаў у падпісных каталогах.

Паўгадавыя камплекты «Советской Белоруссии», «Звязды», «Рэспублікі», «Народной газеты» і «Белорусской нивы» падаражэлі на 33,1% (са 148.800 да 198.000 рублёў), «Знамени юности» - на 29,6% (з 81.000 да 105.000), «7 дней» - на 26,8% (з 78.300 да 99.300), «Комсомольской правды в Беларуси»- на 24,5% (са 377.400 да 469.800).

«Белорусская военная газета» павялічыла кошт падпіскі на 31% (з 83.100 да 108.900 рублёў), «На страже» - на 22,7% (з 80.700 да 99.000).

Кошт падпіскі на «БелГазету» ўзрос на 9,5% (з 15.600 да 115.600 рублёў), «Белорусы и рынок» - на 28,6% (з 70.200 да 90.300), «Нашу ніву» - на 3,3% (з 91.500 да 94.500), «Народную волю» - на 31,6% (са 114.000 да 150.000).

Кошт паўгадавой падпіскі на газету «Прессбол» павысіўся на 29% (з 310.000 да 400.000), «Спортивная панорама» - на 32,3% (са 150.950 да 199.500).

У той жа час «Аргументы и факты» в Белоруссии» паменшылі кошт шасцімесячнай падпіскі на 27,3% (са 136.800 да 99.500).

Вырас кошт падпіскі на абласныя газеты. У прыватнасці, «Витебский рабочий» падаражэў на 24,3% (са 111.000 да 138.000 рублёў), «Могилёвская правда» - на 35,4% (з 78.000 да 105.600), «Гомельская правда» - на 15,5% (са 132.000 да 152.400), «Заря» (Брэст) - на 28,9% (са 114.000 да 147.000), «Брестский курьер» - на 17% (з 98.700 да 115.500), «Гродзенская праўда» - на 28,6% ( з 84.000 да 108.000), «Мінская праўда» - на 38,5% (з 78.000 да 108.000).

Вельмі дарагой застаецца падпіска на выданні далёкага замежжа. Напрыклад, гадавая падпіска на нямецкі штотыднёвы часопіс Stern каштавала 9.692.706 рублёў, або 186.398 рублёў за нумар. У той жа час раздробны кошт часопіса ў самой Германіі ніжэй амаль у пяць разоў (3,5 еўра, або 39.550 рублёў у пераліку па курсе на канец 2012 года). Самым дарагім у каталогу быў брытанскі штотыднёвы часопіс Nature - 109.778.973 рубля.

Напісаць каментар 22

Таксама сачыце за акаўнтамі Charter97.org у сацыяльных сетках