19 сакавiка 2024, aўторак, 13:16
Падтрымайце
сайт
Сім сім,
Хартыя 97!
Рубрыкі

2013. Дрэнны год для дыктатараў

98
2013. Дрэнны год для дыктатараў

У новым годзе ворагаў свабоды стане менш.

Аб гэтым піша нямецкае выданне Die Zeit (пераклад - charter97.org), якое склала свой рэйтынг сусветных дыктатараў, папулістаў і аўтакратаў. Сярод іх - і беларускі кіраўнік Аляксандр Лукашэнка.

Для дыктатараў настаюць дрэнныя часы. У апошнія гады многія з іх былі выгнаныя, звергнуты, забітыя, паўсталі перад судом. Паўсюль у свеце гэтыя падзеі далі новую надзею на тое, што народ падымецца і прагоніць тыранаў.

Тым не менш, у многіх краінах ва ўладзе застаецца яшчэ занадта шмат дэспатаў, аўтакратаў, папулістаў. Не ва ўсіх з іх рукі па локаць у крыві, не ўсе кідаюць у турму іншадумцаў, катуюць і выкрадаюць. Але ўсе яны топчуць закон, маніпулююць медыя, зневажаюць дэмакратыю і свабоду, цкуюць меншасці ці распальваюць гвалт. Ніхто б не пашкадаваў, калі б яны добраахвотна сышлі. Амаль усе, калі б працэсы разгортваліся ў прававым рэчышчы, селі б на лаву падсудных.

У спісе, складзеным Die Zeit, акрамя беларускага дыктатара, прысутнічаюць кіраўнікі іншых краін: Эрытрэі - Ісайас Афеверкі, Сірыі - Башар аль-Асад, Бахрэйна - Халіф бін Салман аль-Халіфа, Ірана - Махмуд Ахмадзінежад, Гамбіі - Ях'я Яммех, Узбекістана - Іслам Карымаў, Паўночнай Карэі - Кім Чэн Ын, Зімбабвэ - Роберт Мугабэ, Украіны - Віктар Януковіч, Расеі - Уладзімір Пуцін, Экватарыяльнай Гвінеі - Тэадора Абіанг.

Таксама ў яго ўвайшлі лідэр Аль-Каіды Айман аль-Савахіры, былы прэм'ер-міністр Італіі Сільвіо Берлусконі і аўстралійскі медыямагнат Руперт Мердак.

«Некаторыя з гэтых людзей загінуць у 2013 годзе. Будзем спадзявацца, што без празмернага кровапраліцця. Гэта будзе добры год», - упэўненыя аўтары артыкула.

Напісаць каментар 98

Таксама сачыце за акаўнтамі Charter97.org у сацыяльных сетках