28 сакавiка 2024, Чацвер, 17:40
Падтрымайце
сайт
Сім сім,
Хартыя 97!
Рубрыкі

Фанаты «Дай Дарогу!» сабралі брэсцкай чыноўніцы мільён на «гонар»

28
Фанаты «Дай Дарогу!» сабралі брэсцкай чыноўніцы мільён на «гонар»

Менш за тыдзень спатрэбілася, каб сабраць музыкам мільён рублёў для выплаты кампенсацыі начальніку аддзела па справах моладзі Брэсцкага гарвыканкама Таццяне Барышчык.

Нагадаем, кіраўнік аддзела па справах моладзі Брэсцкага гарвыканкама падала ў суд на музыкаў пасля скандалу, які разгарэўся падчас забароны некалькіх канцэртаў гурта. Суд Ленінскага раёна Брэста вынес прысуд: лідэр групы Юрый Стыльскі вінаваты ў «абразе» Таццяны Барышчык і павінен выплаціць ёй грашовую кампенсацыю ў памеры 10 базавых велічынь.

Як паведамляе «Еўрарадыё», у акцыі салідарнасці - зборы сродкаў для выплаты кампенсацыі - прынялі ўдзел каля 30 чалавек. Рэкорд сярод плацяжоў на рахунак групы - 250 тысяч рублёў ад аднаго з неабыякавых прыхільнікаў.

Па словах лідэра брэсцкіх панк-рокераў Юрыя Стыльскага, музыкі не спыняцца на віртуальных падзяках за праяўленую салідарнасць:

«Хочам зрабіць акустыку. Цяпер рыхтуем новую праграму з яшчэ адным гітарыстам. Пачнем з Брэста, калі атрымаецца, то далей - на Менск... »

Як таксама адзначыў Стыльскі, ужо ў гэтым месяцы «выйдзе сур'ёзнае відэа» - доўгачаканы канцэртны DVD «Дай Дарогу!».

Напісаць каментар 28

Таксама сачыце за акаўнтамі Charter97.org у сацыяльных сетках