Мазырскіх галадоўшчыкаў правярала міліцыя
9- 15.10.2013, 15:22
- 13,179
Мінулую ноч галадоўшчыкі Васіль Альхоўскі і Юрый Швец правялі ў машыне каля будынка адміністрацыі Мазырскага НПЗ.
Яны не маглі застацца ў сваім офісе на 3-м паверсе будынка адміністрацыі, так як іх пропускі дзейнічаюць з 8.00 па 18.00, перадае «Радыё Свабода».
Ноччу дакументы ў галадоўшчыкаў правярала міліцыя.
Альхоўскі і Швец кажуць, што будуць галадаць, пакуль адміністрацыя завода не пойдзе на дыялог.
14 кастрычніка старшыня першаснай арганізацыі Беларускага незалежнага прафсаюзу на Мазырскім нафтаперапрацоўчым заводзе Юрый Швец абвясціў галадоўку ў знак пратэсту супраць ціску на сяброў незалежнага прафсаюза.
Галадоўку лідара пяршоўкі падтрымлівае яго намеснік Васіль Альхоўскі, які цяпер знаходзіцца на бальнічным з пераломам нагі. Ноч яны збіраюцца правесці ў аўтамабілі каля будынка адміністрацыі нафтаперапрацоўчага завода.
У першаснай арганізацыі Беларускага незалежнага прафсаюзу на Мазырскім нафтаперапрацоўчым заводзе - больш за 700 сяброў.
Фота: «Радыё Свабода»