Барыс Нямцоў: Януковіч пайшоў па шляху Лукашэнкі, той таксама мяне не пускаў
4- 13.12.2013, 12:03
- 13,150
Адзін з лідараў расейскай апазіцыі пракаментаваў забарону на ўезд ва Украіну.
Служба бяспекі Украіны накіравала расейскаму апазіцыянеру, узнагароджанаму адной з найвышэйшых узнагарод Украіны - ордэнам Яраслава Мудрага - пісьмовае паведамленне аб забароне на ўезд ва Украіну.
«СБ Украіны забараніў мне ўезд у краіну. Януковіч пайшоў па шляху Лукашэнкі. Той таксама мяне, быў час, не пускаў. Зараз уезд у Беларусь адкрыты, а ў Кіеў - не. Цікава, колькі яшчэ кавалераў украінскага ордэна Яраслава Мудрага, акрамя мяне, маюць забарону на ўезд у краіну?» - напісаў палітык у «Фэйсбуку».
Нагадаем, пра забарону на ўезд ва Украіну Нямцову стала вядома ўчора ўвечары. Служба бяспекі Украіны не патлумачыла прычыну, па якой Барысу Нямцову адмовілі ва ўездзе, і не ўдакладніла, як доўга гэтая забарона будзе доўжыцца.