Парадзіх выселілі з гомельскай радзільні праз аварыйную сітуацыю
10- 1.02.2013, 13:41
Усіх жанчын, якія знаходзіліся ў радзільні, выпісалі або перавялі ў іншыя лякарні.
Нікому з іх прычыну экстранай пастановы не растлумачылі.
У прыёмнай Гомельскай абласной клінічнай лякарні пацвердзілі, што радзільны дом УГАКЛ зачынены на чыстку з 30 студзеня да 14 лютага, паведамляе TUT.by.
«Тых, хто знаходзіўся ў гэты час у радзільным доме, размяркоўваюць у Беліцу ці абласную радзільню», - распавядаюць у прыймовым аддзяленні радзільні.
«У аперацыйнай абвалілася плітка з адной сцяны, - пракаментавала экстранае высяленне намесніца галоўнага лекара акушэрска-гінекалагічнай дапамогі Святлана Мальцава. - Аперацыйная радзільні знаходзіцца ў аварыйным стане, а без аперацыйнай радзільны дом дзейнічаць не можа».