banner1 banner1 banner1

14.02.2013

Галоўны карнік беларускага інтэрнэту едзе на канферэнцыю АБСЕ важная навіна 89

1:34, — Палітыка

Галоўны карнік беларускага інтэрнэту едзе на канферэнцыю АБСЕ

ААЦ пры Лукашэнку абвясціў сябе «незалежным рэгулятарам інтэрнэту».

Афіцыйнае агенцтва БелТА паведаміла, што Беларусь прыме ўдзел у канферэнцыі АБСЕ «Інтэрнэт-2013: выбудоўванне палітыкі па распаўсюджванні свабоды СМІ», якая пройдзе 14-15 лютага ў Вене.

Беларускую афіцыйную дэлегацыю прадставіць першы намеснік начальніка Аператыўна-аналітычнага цэнтра пры Лукашэнку Уладзімір Рабаволаў. Ён прыме ўдзел у панэльнай дыскусіі на тэму «Падыходы да рэгулявання Інтэрнэту з прыцягненнем шырокага кола яго ўдзельнікаў».

Акрамя таго, БелТА паведаміла, што на канферэнцыю паедзе заснавальнік партала TUT.BY Юрый Зісер, які будзе прадстаўляць «грамадзянскую супольнасць».

Пры гэтым пралукашэнкаўскае агенцтва тлумачыць, што на канферэнцыю таксама запрошаная галоўны рэдактар незалежнага сайта charter97.org Наталля Радзіна.

Па словах Уладзіміра Рабаволава, «у Беларусі актыўна развіваюцца інтэрнэт-тэхналогіі, пашыраецца знешні інтэрнэт-шлюз, павялічваецца колькасць карыстальнікаў сеткі Інтэрнэт. Акрамя таго, рэалізуюцца буйныя праекты ў сферы ІКТ: будаўніцтва новай транзітнай магістралі сувязі, укараненне тэхналогіі LTE, стварэнне Адзінай рэспубліканскай сеткі перадачы дадзеных (АРСПД). Гэтую пазіцыю і плануецца данесці да ўдзельнікаў канферэнцыі».

«Аператыўна-аналітычны цэнтр выступае як незалежны рэгулятар сферы ІКТ у Беларусі, які цесна ўзаемадзейнічае з грамадзянскай супольнасцю», - адзначыў Уладзімір Рабаволаў.

Бізнесмен Юрый Зісер у сваю чаргу ў інтэрв'ю БелТА адзначыў, што «дзяржава раіцца з грамадзянскай супольнасцю. У многіх краінах свету рэгуляванне Інтэрнэту адбываецца шляхам узаемадзеяння дзяржавы, прыватнага бізнесу і грамадскіх арганізацый», - падкрэсліў ён.

Заснавальнік партала таксама закрануў тэму абмежавання доступу да інтэрнэт-рэсурсаў, якое для звычайных карыстальнікаў дзейнічае толькі на добраахвотнай аснове. «Я за паўгода ні разу не сутыкнуўся з тым, каб у мяне не адкрыўся які-небудзь інтэрнэт-рэсурс», - прызнаўся Юрый Зісер.

Сітуацыю пракаментавала галоўны рэдактар charter97.org Наталля Радзіна:

«У 2010 годзе быў прыняты ўказ Лукашэнкі «Аб цэнзуры інтэрнэту», абавязаўшы правайдэраў весці рэгістрацыю карыстальнікаў і захоўваць інфармацыю пра аказаныя ім паслугі, а гаспадароў інтэрнэт-кафэ - правяраць пашпарты кліентаў. Кантроль інтэрнэту быў даручаны Аператыўна-аналітычнаму цэнтру (ААЦ) пры Лукашэнку. На аснове рашэнняў ААЦ і іншых кампетэнтных органаў складаецца спіс забароненых рэсурсаў. Правайдэры ў абавязковым парадку блакуюць доступ да іх для дзяржорганаў, устаноў адукацыі і культуры. Сярод забароненых апынуўся шэраг апазіцыйных рэсурсаў, уключаючы сайт «Хартыя`97».

Аб «незалежнасці» ААЦ кажа таксама той факт, што яго першы кіраўнік Валерый Вакульчык у 1992 годзе скончыў Вышэйшыя курсы ваеннай контрвыведкі КДБ, а з 1991 года працаваў у органах дзяржбяспекі. У 2008 годзе ён узначаліў Аператыўна-аналітычны цэнтр пры Лукашэнку. У кастрычніку 2011 года - Следчы камітэт. У 2012 годзе ён стаў старшынёй КДБ.

Калі ААЦ кажа пра цесныя сувязі з «грамадзянскай супольнасцю», я задаю сабе пытанне: пра якія сувязі ідзе гаворка?

І АБСЕ хочацца спытаць: як можна прадастаўляць пляцоўку карнікам?».



Напісаць каментар (89)

Падзяліся!




Меркаванне


Рыжы

Рыжы

Зміцер Дашкевіч

Танкавы прарыў у мінулае стагоддзе

Танкавы прарыў у мінулае стагоддзе

Уладзімір Халіп

Чиновники, не позорьтесь!

Чиновники, не позорьтесь!

Ирина Халип

Путин стал вторым. И последним

Путин стал вторым. И последним

Юрий Фельштинский

Предвыборный маскарад

Предвыборный маскарад

Татьяна Новикова



Учора на сайце:

наведвальнікаў 259584
праглядаў 1752883

Папулярныя навіны

Политолог: Порошенко нанес сокрушительный удар по Кремлю (75549)

24.01, 19:17, — Украіна

Беларускае войска рыхтуецца да вайны (72430)

24.01, 19:23, — Грамадства

Не пойдет на уступки – будет война (72278)

20.01, 10:53, Виталий Портников, haqqin.az — Украіна

У Беларусі масава прызываюць ваеннаабавязаных (68909)

25.01, 21:11, — Палітыка

Подробности удара сил АТО: центр радиоперехвата ГРУ уничтожен, выжившие уходят из Донецка (62711)

20.01, 17:05, — Украіна

Барыс Жаліба: Курс даляра дасягне 18-20 тысяч рублёў (53330)

21.01, 18:21, — Эканоміка

Фотафакт: 2 даляры ў Беларусі (48731)

20.01, 17:00, — Эканоміка

Пакупнікі «Кароны» скардзяцца на новую «фішку» гіпермаркета (48158)

25.01, 12:37, — Грамадства

Донецкий журналист: Российские террористы прокололись, сообщив, что в остановку попала мина (47907)

22.01, 16:36, — Украіна

Расейскія войскі ва Украіне пачалі наступ па ўсім фронце (47155)

21.01, 10:26, — Украіна

пн аў ср чц пт сб нд
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

Старая версія сайта

Канстытуцыя Рэспублікі Беларусь:

"Артыкул 34. Грамадзянам Рэспублiкi Беларусь гарантуецца права на атрыманне, захоўванне i распаўсюджванне поўнай, дакладнай i своечасовай iнфармацыi аб дзейнасцi дзяржаўных органаў, грамадскiх аб'яднанняў, аб палiтычным, эканамiчным, культурным i мiжнародным жыццi, стане навакольнага асяроддзя..."

Падпіска

       

Пакіньце Ваш e-mail: