«Аўтарадыё»: Хоць заўтра гатовыя вярнуцца ў эфір

Ужо 2 гады «Аўтарадыё» не мае магчымасці працаваць.

«Чалавек, які любіць сваю працу, разумее, што гэта такое, калі па нечай волі яго пазбавілі магчымасці працаваць. Можа быць, гэта нават цяжэй, чым... турма », - адзначае ў інтэрв'ю «Белсату» дырэктар радыёстанцыі Юрый Базан.

Нагадаем, 12 студзеня 2011 года рэдакцыя «Аўтарадыё» атрымала прадпісанне Мінсувязі аб спыненні дазволу на права выкарыстання частот. Загад аб спыненні вяшчання «Аўтарадыё» быў вынесены на падставе рашэння Рэспубліканскай камісіі па тэлебачанні і радыёвяшчанню. На ім стаяў подпіс старшыні камісіі Алега Праляскоўскага.

Афіцыйнай прычынай пазбаўлення радыёстанцыі частот стала «невыкананне творчай канцэпцыі і распаўсюджванне інфармацыі, якая ўтрымлівае публічныя заклікі да экстрэмісцкай дзейнасці». Падчас выбарчай кампаніі «Аўтарадыё» выпускала ў эфір ролікі кандыдатаў у прэзідэнты Саннікава і Някляева, дзе тыя заклікалі прыходзіць «на плошчу».

Цяпер на былой частаце «Аўтарадыё» працуе іншая станцыі - дзяржаўная. Але такой папулярнасці, як папярэдніца, яна не мае.