«Апошні падпольны канцэрт» Змітра Вайцюшкевіча

Музыка выступіў у Менску з канцэртам, прымеркаваным да Дня святога Валянціна.

Ён прайшоў на офісе партыі БНФ, паведамляе телеканла «Белсат».

Зміцер Вайцюшкевіч кажа, што назва «Апошні падпольны канцэрт» - сімвалічная: такія мерапрыемствы ён збіраецца ладзіць штомесяц - да таго дня, калі яго і іншых музыкаў выкрэсляць з «чорнага спісу» і дазволяць выступаць афіцыйна. Што тычыцца самога Дня святога Валянціна, то музыка бачыць у ім рацыянальнае зерне, а не толькі рамантыку.

«Мне здаецца, спецыяльна камерсанты гэтае свята прыдумалі, каб радаваць нашых любімых і каб набліжаць вясну. Бо люты - месяц сумнаваты», - кажа ён.

14 лютыага таксама прайшоў канцэрт Змітра Вайцюшкевіча ў Бабруйску.