Хакеры атакавалі Facebook

Сацыяльная сетка Facebook заявіла, што зазнала серыі дасканалых хакерскіх нападаў.

Кампанія запэўніла, што прыватнасць асабістых звестак карыстальнікаў не была парушаная, паведамляе ВВС.

Прадстаўнікі сэрвісу сцвярджаюць, што хакеры ўзламалі сістэму праз раней невядомы пралаз.

Нядаўна сацыяльная сетка Twitter прызнала, што пры яе ўзломе былі скрадзеныя 250.000 старонак.

Многія буйныя амерыканскія газеты, у тым ліку New York Times, таксама пацярпелі ад падобных нападаў. Яны падазраюць, што ва ўзломах удзельнічалі хакеры з Кітая.