Азаранка страціла статус першай ракеткі свету
59- 16.02.2013, 12:00
З 18 лютага лідарства ў рэйтынгу Жаночай тэніснай асацыяцыі (WTA) пяройдзе да Серэны Уільямс.
Гэта стала вядома пасля таго, як амерыканка ў чвэрцьфінале турніру ў Досе атрымала валявую перамогу над чэшкай Петрай Квітавай - 3:6, 6:3, 7:5. У паўфінале Серэна Уільямс сустрэнецца з расейкай Марыяй Шарапавай (3).
У панядзелак 31-гадовая Уільямс пасуне беларуску Вікторыю Азаранку з найвышэйшага радка рэйтынгу WTA і стане самой сталай першай ракеткай свету ў гісторыі жаночага тэніса. У 1985-м амерыканцы Крыс Эвэрт было крыху менш за 31 год, піша БелаПАН.
Вікторыя Азаранка, якая з'яўляецца дзейнай чэмпіёнкай турніру ў Досе, таксама выйшла ў паўфінал.