У Ізраілі пачынаецца суд над Ліберманам
13- 17.02.2013, 11:29
17 лютага ў Ізраілі пачнуцца судовыя слуханні па справе былога кіраўніка МЗС Авігдора Лібермана.
Следства лічыць, што кіраўнік нацыянальна-патрыятычнай партыі «Наш дом Ізраіль» спрыяў кар'ернаму росту былога амбасадара Ізраіля ў Беларусі Зеева Бен-Ар'е пасля таго, як атрымаў ад яго канфідэнцыйную інфармацыю аб ходзе следства па сваёй справе, паведамляе БелаПАН.
Былы кіраўнік МЗС абвяргае вылучаныя супраць яго абвінавачванні. У сярэдзіне снежня гэтага года Авігдор Ліберман падаў у адстаўку з пасады кіраўніка МЗС.
Палітычная кар'ера Лібермана апынецца пад пагрозай у тым выпадку, калі яго віна будзе даказаная ў судзе. Ён пакуль не можа вярнуцца на пасаду кіраўніка МЗС з-за судовых разглядаў. Калі ж Ліберман выйграе судовы працэс, то ён зможа вярнуцца ў крэсла кіраўніка МЗС.
Нагадаем, Авігдора Лібермана неаднаразова падвяргалі крытыцы за сяброўства з беларускім дыктатарам.