«Металург» датэрмінова стаў чэмпіёнам Беларусі

Хакеісты жлобінскага «Металурга», атрымаўшы валявую перамогу ў Салігорску за тры туры да фінішу, гарантавалі сабе першае месца па выніках чэмпіянату Беларусі.

Тэарэтычна гамяльчане, якія ідуць на другім радку, яшчэ могуць дагнаць жлабінчан па колькасці набраных ачкоў, аднак у такім выпадку «Металург» атрымае перавагу за кошт больш паспяховай гульні ў вочных паядынках. У сустрэчах з «Гомелем» жлабінчане ўжо набралі 10 ачкоў з 15 магчымых, атрымаўшы тры перамогі (3:0, 3:2, 2:1) і пацярпеўшы два паражэнні (0:1 па булітах, 2:6). Яшчэ раз каманды сустрэнуцца 22 лютага ў Гомелі, аднак нават у выпадку паражэння «Металург» захавае перавагу па колькасці набраных ачкоў у сустрэчах з гамяльчанамі, паведамляе БелТА.

Супернікам «Металурга» ў першым раўндзе плэй-оф стане наваполацкі «Хімік-СКА», які ўжо не падымецца вышэй 8-га месца.

Жлобінскі «Металург» з'яўляецца паўнамоцным чэмпіёнам Беларусі. У мінулым сезоне «сталёвыя ваўкі» таксама фінішавалі першымі ў рэгулярным чэмпіянаце, а затым у фінале розыгрышу плэй-оф адолелі гродзенскі «Нёман».

Пасля двух паражэнняў запар ад «Ліды», аўтсайдэра наймоцнай шасцёркі экстралігі, «Нёман», які падвергнуўся балельшчыцкай абструкцыі, атрымаў перамогу над «Гомелем», які займае другое месца.