Ролік з лыжнікам, які бяжыць ад лавіны, «узарваў» Інтэрнэт
29- 19.02.2013, 9:38
Шведскі фрырайдер Сверэ Лільеквіст паказаў сапраўдныя цуды адвагі пры спуску з гары.
Нягледзячы на лавіну, якая збягала прама за ім, ён выканаў складаны трук з кулём, і завяршыў сваё выступленне без траўмаў, піша РБК.
Лільеквіст выступаў у рамках спаборніцтваў, якія праводзяцца пад эгідай Swatch Skiers Cup-2013. Пачаў сваё выступленее спартсмен будзённа, без якіх-небудзь эксцэсаў.
Першы яго саскок з натуральнага трампліна выйшаў спакойным, але амаль адразу пасля гэтага з гары пайшла лавіна, і ўжо наступны свой саскок і пераварот Сверэ Лільеквіст здзяйсняў, калі ў спіну яму напіраў снежны буран.
Неўзабаве пасля гэтага спуск шведа быў завершаны, і, на шчасце, усё абышлося без непрыемнасцяў. Ролік з выступленнем шведа сабраў у Інтэрнэце амаль 1,5 млн клікаў.