Даражэюць квіткі на цягнікі

З 22 лютага квіткі на міжнародныя цягнікі, якія курсуюць у Расею, падаражэюць у сярэднім на 11-33%.

Як паведамілі «Вечернему Гродна» у даведачнай службе чыгуначнага вакзала, квіток у Маскву будзе каштаваць: плацкарт - 786 000 (цяпер 623.820 рублёў), купэ - 1 250 220 (цяпер 1.122.270 рублёў), СВ - 2.496.470 рублёў замест 1 878.030.

Паездка на цягніку ў Санкт-Пецярбург абыдзецца ў 748.740 рублёў (плацкарта) і 1.415.880 рублёў (купэ). Таксама падаражэюць квіткі на цягнік ва Унечу: плацкарта - з 403.240 да 531 000 рублёў, купэ - з 740.310 да 980 000 рублёў.