Анастасія Лойка: Студэнты - заложнікі сістэмы

У сітуацыі, калі стаіць пытанне аб месцы ў інтэрнаце, большасць студэнтаў аддаюць перавагу маўчаць і падпарадкоўвацца адміністрацыі, чым адстойваць свае правы.

Так праваабаронца Анастасія Лойка пракаментавала сайту charter97.org бясчынствы ўніверсітэцкага кіраўніцтва і міліцыі ў інтэрнаце МДЛУ.

«Сапраўды, пытанне аб свабодзе думкі і недатыкальнасці жылля ў студэнцкім асяроддзі стаіць даволі востра. Кіраўніцтва ВНУ, а таксама адміністрацыя інтэрнатаў часта грэбуюць правам маладых людзей на асабістую прастору і свабоднае выказванне меркавання. У большасці студэнтаў няма сродкаў на арэнду кватэры, таму ў падобных выпадках яны лічаць за лепшае маўчаць, каб захаваць месца ў інтэрнаце», - адзначыла праваабаронца.

Анастасія Лойка падкрэсліла, што навучэнцы часцяком вымушаныя падпарадкавацца абсалютна дзіўным загадам кіраўніцтва навучальных устаноў, якія заснаваныя выключна на асабістых інтарэсах і парушаюць як міжнароднае, так і беларускае заканадаўства.

«Можна сказаць, што студэнты з'яўляюцца заложнікамі сітуацыі. Безумоўна, нельга дапускаць, каб падобныя дзеянні засталіся беспакаранымі. Неабходна пісаць скаргі ў пракуратуру і іншыя інстанцыі. Але наўрад ці знойдуцца смельчакі, якія гатовыя рызыкнуць месцам у інтэрнаце і ўніверсітэце дзеля абароны сваіх правоў, гонару і годнасці», - склала юрыст.

Нагадаем, нядаўна адбыўся візіт Лукашэнкі на Менскі камбінат хлебапрадуктаў. Картэж дыктатара павінен быў праязджаць міма інтэрната МДЛУ і кіраўніцтва ВНУ разам з супрацоўнікамі міліцыі ўрываліся ў пакоі інтэрната і прымушалі здымаць «няправільныя» плакаты і налепкі.