У Брусэлі Януковіч 2 гадзіны гаварыў з Барозу і Рампеям

Прэзідэнт Украіны наведвае Брусель. Яго сустрэча з Рампеям і Барозу замест 20 хвілін доўжылася больш за 2 гадзіны.

У Брусэлі адбылася сустрэча прэзідэнта Украіны Віктара Януковіча, прэзідэнта Рады ЕЗ Хермана ван Рампея і прэзідэнта Еўрапейскай камісіі Жазэ Мануэля Барозу ў вузкім коле.

Як перадае «Інтэрфакс-Украіна», планавалася, што сустрэча будзе доўжыцца 20 хвілін, замест гэтага яна працягвалася больш за 2 гадзіны.

У цяперашні час пачалося пленарнае пасяджэнне саміту Украіна - ЕЗ. Пасля гэтага запланаваная прэс-канферэнцыя з удзелам Януковіча, Рампея і Барозу.

У той жа час польская газета «Gazeta Wyborcza» сёння напісала, што Кіеў гатовы «значна палепшыць умовы зняволення Цімашэнка» і даць Луцэнку свабоду.

Напярэдадні візіту ў Брусэль прэзідэнт Украіны Віктар Януковіч падчас сустрэчы з прэзідэнтамі Польшчы і Славакіі Браніславам Камароўскім і Іванам Гашпаравічам у Вісле паабяцаў выпусціць экс-міністра ўнутраных спраў Юрыя Луцэнку на волю.

Па дадзеных газеты, Януковіч падчас неафіцыйнай частцы сустрэчы паабяцаў «значна палепшыць умовы ўтрымання Цімашэнка і вызваліць Луцэнку». На ўсё гэта Кіеў гатовы пайсці, каб прадэманстраваць сваё жаданне інтэгравацца з Еўропай.

Нагадаем, напярэдадні сённяшняга саміту Украіна-ЕЗ у Брусэлі пры ўдзеле Віктара Януковіча прадстаўнікі дыпламатычных колаў Еўразвяза заявілі, што «калі Кіеў да траўня не дасягне істотнага прагрэсу ў рэформе судовай і выбарчай сістэм, то авіазаваннае на лістапад падпісанне дамовы аб асацыяцыі апынецца пад пагрозай». Таксама было сказана, што дамова аб асацыяцыі з ЕЗ несумяшчальная з дамовай аб Мытным саюзе з Расеяй. Раней Віктар Януковіч заявіў, што ў Кіеве разумеюць заклапочанасць ЕЗ справамі Юліі Цімашэнка і Юрыя Луцэнкі і гатовыя да кампрамісаў у гэтых пытаннях.

Фота: Reuters