Выбары ў Італіі: Бэрлусконі патрабуе перападліку галасоў
12- 26.02.2013, 9:17
На выбарах у парламент Італіі перамагла з мінімальным адрывам галасоў левацэнтрысцкая кааліцыя.
Пра гэта сведчаць афіцыйныя звесткі МУС, якое выконвае функцыі выбаркама, піша NEWSru.com.
Розніца галасоў за кандыдатаў ад левага цэнтра і апанентаў з правацэнтрысцкай кааліцыі Сільвіё Бэрлусконі ў ніжнюю палату склала менш за адзін адсотак - 29,56% і 29,17%, адпаведна, перадае ІТАР-ТАСС.
Адрыў у 0,4% галасоў дае ўсе падставы для пераправеркі вынікаў галасавання. Пра гэта неадкладна заявіў сакратар Анджэліна Альфано, які ўваходзіць у саступіўшую кааліцыю партыі «Народ свабоды». «Толькі Цэнтральны апарат пры касацыйным судзе можа з дакладнасцю пацвердзіць, хто набраў большасць галасоў і атрымае «прэміяльныя» месцы ў парламенце як пераможца», - сказаў Альфано.
У сваю чаргу прадстаўнік стараны-пераможцы адзначыў, што левацэнтрысцкая кааліцыя з усёй адказнасцю паставіцца да вынікаў выбараў. «Левы цэнтр перамог колькасцю галасоў. Усім відавочна, што мы апынуліся ў вельмі далікатнай сітуацыі. Будзем дзейнічаць з усёй адказнасцю ў інтарэсах краіны», - напісаў на сваёй старонцы ў Facebook лідар Дэмакратычнай партыі і кандыдат на пасаду прэм'ер-міністра ад левага цэнтра П'ер Луіджы Бэрсані.
На галасаванні ў Сэнат (верхнюю палату) левы цэнтр набраў 31,6% галасоў, што на 1% больш, чым у правацэнтрыстаў - 30,7%. Гэтага недастаткова для таго, каб атрымаць 158 мандатаў, якія гарантуюць большасць.
Першай партыяй у «індывідуальным» заліку стала «Рух 5 зорак» коміка і блогера Бэпэ Грыла, гэтая партыя набрала 25% галасоў і ў адзіночку абышла на выбарах у ніжнюю палату і ДП, і партыю «Народ свабоды» Сільвіё Бэрлусконі.
«Грамадзянскі спіс» Марыё Монці ў Сэнаце атрымаў 9,2%. Падтрыманая ім кааліцыя цэнтрыстаў у ніжняй палаце набрала 10,5% галасоў.