У Магілёве сарвалі рэгістрацыю МХД
3
12:32, — Палітыка
Грамадскае аб'яднанне «Маладыя Хрысціянскія Дэмакраты Магілёва» не змаглі падаць дакументы на рэгістрацыю.
26 лютага, пасля збору асноўнага пакета дакументаў, знікла магчымасць атрымаць рэгістрацыю для ГА «МХДМ». Прычынай гэтаму паслужыў адказ у апошні дзень прадастаўлення права на юрыдычны адрас аднаго з уладальнікаў офіса, з якім загадзя было заключана вуснае пагадненне, паведамляе прэс-служба БХД.
Яўген Дудкін, старшыня сходу і рады ГА «Маладыя Хрысціянскія Дэмакраты Магілёва» адзначыў:
«На жаль, згодна з заканадаўствам, нават дробныя, лакальнага маштабу грамадскія аб'яднанні павінны мець офіс, юрыдычны адрас якога выкарыстоўваецца ў працэсе дзяржаўнай рэгістрацыі арганізацыі».
«Улічваючы той факт, што моладзі, студэнтам цяжка знайсці вялікія грошы для арэнды памяшкання, ясна адно - афіцыйнае, юрыдычна правільнае стварэнне грамадскіх аб'яднанняў лакальнага маштабу сутыкаецца з вялікай праблемай - пытаннем офіса. А паколькі маладыя людзі аб'ядноўваюцца на аснове альтруізму і як «цімураўцы» робяць свае акцыі, не патрабуючы ні грошай, ні матэрыяльнага ўзнагароджання, а ўсё за свой кошт, хочацца сказаць ім толькі вялікі дзякуй», - дадаў ён.
Яўген Дудкін падкрэсліў, што МХДМ «у параўнанні з іншымі грамадскімі аб'яднаннямі не атрымліваюць фінансавай падтрымкі з боку дзяржавы».
Навіны
па тэме
Экспарт
Новости партнеров
