29 сакавiка 2024, Пятніца, 5:07
Падтрымайце
сайт
Сім сім,
Хартыя 97!
Рубрыкі

Сяргея Удальцова пасадзілі пад хатні арышт

19
Сяргея Удальцова пасадзілі пад хатні арышт

Басманны раённы суд Масквы задаволіў хадайніцтва следства аб змене меры стрымання каардынатара расейскага «Левага фронту».

Ён абвінавачваецца ў падрыхтоўцы да арганізацыі масавых беспарадкаў. Як паведаміў у твітэры сам апазіцыянер, які дагэтуль заставаўся пад падпіскай аб нявыездзе, яго пастанавілі змясціць пад хатні арышт, піша Lenta.Ru.

Са слоў Сяргея Удальцова, тэрмін хатняга арышту - да 6 красавіка 2012 года. Яму дазволена мець зносіны толькі з адвакатамі і сваякамі, весці перапіску і карыстацца сродкамі сувязі забаронена. Як паведамляе агенцтва «Інтэрфакс», абарона Удальцова ўжо заявіла аб намеры абскардзіць пастанову Басманнага суду ў Масгарсудзе.

Справу аб падрыхтоўцы масавых беспарадкаў распачалі ў кастрычніку 2012 года на падставе матэрыялаў, уключаных у дакументальны фільм «Анатомія пратэсту-2», які выйшаў у эфір тэлеканала НТВ. Следства мяркуе, што Удальцоў разам з сябрамі «левага фронту» Леанідам Развазжаевым і Канстанцінам Лебедзевым вёў перамовы аб фінансаванні беспарадкаў у Расеі з грузінскім палітыкам і прадпрымальнікам Гіві Таргамадзэ. І Лебедзеў, і Развазжаеў змешчаныя пад арышт, прычым апошняму інкрымінавалі таксама ўдзел у рабаванні 15-гадовай даўніны, але справу аб рабаванні закрылі праз заканчэнне тэрміну даўніны.

У студзеня 2013 года справу Удальцова, Развазжаева і Лебедзева аб'ядналі са справай аб беспарадках, якія адбыліся на Балотнай плошчы ў Маскве 6 траўня 2012 года. Хоць меркаваная паездка траіх апазіцыянераў у Менск, дзе яны сустракаліся з Таргамадзэ, адбылася ўжо пасля сутыкненняў на Балотнай, у Следчым камітэце выказалі здагадку, што «гэтыя злачынствы ўчыненыя аднымі асобамі».

Пра тое, што СК хадайнічаў аб змяшчэнні Удальцова пад хатні арышт, стала вядома ў пятніцу, 8 лютага. Сваю пастанову следчыя матывавалі тым, што Удальцоў рэдка з'яўляецца на месцы сталай рэгістрацыі, часта выключае мабільную сувязь і не паведамляе аб сваім месцазнаходжанні ўладам, а акрамя таго прыцягваецца да адміністрацыйнай адказнасці за ўдзел у несанкцыянаваных акцыях. У пятніцу Удальцоў быў на чарговым допыце ў СК, і, як ён сам сцвярджаў, адмовіўся адказваць на пытанні следчых, спаслаўшыся на 51 артыкул Канстытуцыі РФ.

Напісаць каментар 19

Таксама сачыце за акаўнтамі Charter97.org у сацыяльных сетках