Арменія абвінавачвае Менск у пастаўках зброі Азербайджану

Беларусь з'яўляецца адным з галоўных пастаўшчыкоў зброі дзяржаве, якая пагражае Ерэвану вайной.

Цэнтр аналізу міжнароднага гандлю ўзбраеннем апублікаваў дадзеныя, у тым ліку і пра тое, які ваенны гандаль і з кім ажыццяўляў Баку за апошнія 10 гадоў. Дадзеныя сапраўды ўражваюць, піша армянскае выданне «Zhamanak» (пераклад - InoSmi.ru).

У ліку першых краін, што ўзбройваюць Баку, не толькі Турцыя, Ізраіль і Украіна, якая разам з Азербайджанам з'яўляецца членам ГУАМ, але і Беларусь і Расея. Гэтыя краіны з'яўляюцца саюзнікамі Арменіі па АДКБ, але фактычна з'яўляюцца яшчэ і вядучымі ваенна-тэхнічнымі партнёрамі праціўніка Арменіі.

Гэта ўнікальная сітуацыя: дзяржавы ваенна-палітычнага блока пастаўляюць узбраенне дзяржаве, якая з іх партнёрам па блоку мае неўрэгуляваныя канфлікт, пагражае вайной і перыядычна здзяйсняе дыверсійныя акты. І гэта фактычна адбываецца на працягу многіх гадоў. Гэта значыць саюзнікі Арменіі па АДКБ на працягу многіх гадоў узбройваюць праціўніка Арменіі і пра гэта ў Арменіі чутныя толькі рэдкія галасы, а на афіцыйным узроўні Арменія толькі нядаўна заявіла, што члены АДКБ не павінны рабіць крокі, якія не зыходзяць з інтарэсаў Арменіі.

Пра гэта Серж Саргсян у снежні заявіў у Маскве, на саміце АДКБ. Прычым варта заўважыць, што гэтая заява ў армянскім палітычным полі засталася амаль без рэакцыі. Гэта значыць, нідзе не была зробленая спроба ўбачыць пад гэтай заявай дзяржаўную цікавасць і паспрабаваць сфармаваць гэтаму грамадскія тылы, каб нашыя абвешчаныя саюзнікі, не міргнуўшы вокам, не ўзбройвалі пагрозлівага нам праціўніка.

Абсалютна ўсё роўна, для чаго Серж Саргсян падняў гэтае пытанне ў Маскве. Важна тое, што гэта зыходзіць таксама з дзяржаўных інтарэсаў, такім чынам, трэба было замацаваць праблему грамадска-палітычным меркаваннем.

Аднак, як у мінулым дзесяцігоддзі, так і да гэтага часу - пануе магільнае маўчанне. Замест гэтага маецца мноства спроб апраўдаць Беларусь і Расею, што яшчэ больш выпінае ўсю ганьбу ў паводзінах так званых саюзнікаў, а таксама ў грамадскім і палітычным асяроддзі Арменіі.

Замест гэтага некаторыя лідэры і прадстаўнікі гэтых сілаў гатовыя не толькі стаць адвакатамі Беларусі ці Расеі, але і, напрыклад, ганарыцца сяброўствам з Лукашэнкам, адкрываць з ім заводы або быць расейскім палацавым забеспячэнцам №1 і ганарыцца гэтым.

Расейскі і беларускі царскія двары з'яўляюцца ваеннымі забеспячэнцамі №1 дзяржавы, якая пагражае Арменіі вайной, а ў Арменіі няма смеласці, акрамя забеспячэння гэтых царскіх двароў таварамі, часам з годнасцю «забяспечваць» іх лістамі, каб паказаць, што, у рэшце рэшт, Арменія - гэта дзяржава, а не проста вытворчы цэх.