Міліцыянерам у форме забаранілі паліць

Супрацоўнікам міліцыі і вайскоўцам забаранілі паленне пры нашэнні формы.

Пра гэта гаворыцца ў загадзе МУС №424 «Аб папулярызацыі здаровага ладу жыцця сярод супрацоўнікаў і грамадзянскага персаналу органаў унутраных спраў Рэспублікі Беларусь, вайскоўцаў і грамадзянскага персаналу ўнутраных войскаў Міністэрства ўнутраных спраў Рэспублікі Беларусь». Ініцыятыва яго прыняцця належыць кіраўніку ведамства Ігару Шуневічу.

Згодна з загадам, адміністрацыйныя будынкі АУС, злучэнняў і воінскіх частак унутраных войскаў, прылеглыя да іх тэрыторыі лічацца свабоднымі ад палення зонамі. Супрацоўнікам і вайскоўцам варта адмовіцца ад спажывання тытунёвых вырабаў у форменнай вопратцы. Абсталяваныя месцы для курэння рэкамендавана размяшчаць на максімальна магчымым аддаленні ад іх.

«Ні цыгарэта, ні, тым больш, алкаголь несумяшчальныя са званнем супрацоўніка міліцыі і ваеннаслужачага ўнутраных войскаў. Меры па барацьбе з гэтымі негатыўнымі з'явамі прадпрымаліся кіраўніцтвам МУС і раней - у форме розных комплексаў практычных і арганізацыйных мер. Новы загад таксама змяшчае нямала такіх, праўда, у адрозненне ад ранейшых яны гранічна канкрэтызаваныя», - гаворыцца ў паведамленні прэс-службы МУС.

Парушальнікаў новых патрабаванняў абяцаюць прыцягваць да дысцыплінарнай і адміністрацыйнай адказнасці.