Чэшскай дысыдэнтцы Пятрушке Шустравай адмовілі ў беларускай візе
- 13.01.2014, 11:16
- 5,746
Знакамітай чэшскай дысыдэнтцы не далі візу ў амбасадзе Беларусі.
Былую чэшскую дысыдэнтку Пятрушку Шустраву запрасілі ў Менск на вечар памяці былога прэзідэнта Чэхіі Вацлава Гавела. Аднак у амбасадзе Беларусі ў Празе ёй адмовілі ў візе, паставіўшы штамп у пашпарце.
Пра гэта паведаміў «Радыё Свабода» адзін з арганізатараў заўтрашняга вечара памяці Вацлава Гавела Алесь Лагвінец.
Пятрушка Шустрава - знакамітая чэшская дысыдэнтка, журналістка, перакладчыца. Калі ёй быў 21 год, яе абвінавацілі ў здрадзе ЧССР за распаўсюд улётак супраць савецкай акупацыі, прысуд - 2 гады пазбаўлення волі.
Яна з'яўляецца старшынёй назіральнай рады арганізацыі «Грамадзянская Беларусь», якая дзейнічае ў Чэхіі. Пятрушка Шустрава ўзначаліла назіральную раду пасля смерці Вацлава Гавела.