29 сакавiка 2024, Пятніца, 8:41
Падтрымайце
сайт
Сім сім,
Хартыя 97!
Рубрыкі

Канстытуцыйны суд ухваліў пошліну на аўто

155
Канстытуцыйны суд ухваліў пошліну на аўто

Старшыня Канстытуцыйнага суда Пётр Міклашэвіч заяўляе, што ўвядзенне падатку на аўто адпавядае Канстытуцыі.

«Дадзены закон быў прадметам разгляду Канстытуцыйнага суда. І Канстытуцыйны суд ацэньвае гэтую норму як канстытуцыйную», - заявіў Міклашэвіч у чацвер на прэс-канферэнцыі ў Менску, піша «Інтэрфакс».

Пры гэтым ён растлумачыў, што «ў канстытуцыйныя абавязкі грамадзян Беларусі ўваходзіць норма аб тым, што яны павінны прымаць удзел у фінансаванні дзяржаўных расходаў шляхам выплаты падаткаў, плацяжоў». Акрамя таго, старшыня Канстытуцыйнага суда сказаў: «Кожны грамадзянін хоча ездзіць па добрых дарогах. У Беларусі ўзнікла сітуацыя, калі падаткаў не хапае на тое, каб падняць якасць дарог, таму і было прынята такое рашэнне».

Міклашэвіч падкрэсліў, што падатак на допуск аўтатранспарту да ўдзелу ў дарожным руху існуе ў многіх краінах. «Гэта не толькі беларуская практыка», - адзначыў ён. На думку старшыні Канстытуцыйнага суда, «у грамадстве ўжо падышлі да разумення неабходнасці гэтага падатку». «Сума нязначная, яе трэба ўносіць, каб дарогі паляпшаліся», - сказаў Міклашэвіч.

Нагадаем, механізм спагнання дзяржпошліны прадугледжвае яе самастойную выплату арганізацыямі і грамадзянамі да моманту праходжання дзяржаўнага тэхнічнага агляду, на які разам з іншымі абавязковымі дакументамі павінен быць прадстаўлены плацежны дакумент аб выплаце гэтай пошліны. Льготы па выплаце пошліны мінімальныя і прадугледжаны толькі ў дачыненні да спецыяльнага транспарту, прызначанага для выкарыстання інвалідамі, спецыяльных транспартных сродкаў МНС, хуткай дапамогі, грамадскага транспарту.

Памер будзе прывязаны да масы транспартнага сродку і залежаць ад прыналежнасці фізічнай або юрыдычнай асобе. Абсалютная большасць легкавых аўтамабіляў, якія ездзяць па нашых дарогах, трапляюць у катэгорыю ад 1 да 2 тон. Іх уладальнікам прыйдзецца плаціць 5 б. в. (цяпер - 650 тыс. рублёў).

За кошт дзяржпошліны ў 2014 годзе плануецца сабраць 1,6 трлн. рублёў.

Фота: bymedia.net

Напісаць каментар 155

Таксама сачыце за акаўнтамі Charter97.org у сацыяльных сетках