28 сакавiка 2024, Чацвер, 11:50
Падтрымайце
сайт
Сім сім,
Хартыя 97!
Рубрыкі

Змітра Дашкевіча аштрафавалі на 1,3 мільёна

11
Змітра Дашкевіча аштрафавалі на 1,3 мільёна

Першамайскі суд Менска аштрафаваў былога палітвязня за парушэнне ўмоў прэвентыўнага нагляду.

Сам Зміцер Дашкевіч у суд не з'явіўся. Справу разглядалі без яго, перадае «Радыё Свабода».

Суддзя Юрый Гарбатоўскі заслухаў паказанні старэйшага інспектара крымінальна-выканаўчай інспекцыі МУС Аляксея Пількова. Той заявіў, што ў трэці чацвер снежня Зміцер Дашкевіч не з'явіўся адзначыцца. Пількоў кажа, што на наступны дзень патэлефанаваў былому палітвязню. Той патлумачыў, што забыўся прыйсці. Суддзя ўдакладніў у Пількова, ці спасылаўся Дашкевіч пры гэтым на нейкія прычыны. Міліцыянт адказаў, што не спасылаўся.

28 жніўня мінулага года Зміцер Дашкевіч выйшаў на волю з гродзенскай турмы №1 пасля амаль трохгадовага зняволення. Ён быў арыштаваны напярэдадні апошніх прэзідэнцкіх выбараў, 18 снежня 2010 года, і асуджаны спачатку за «асабліва злоснае хуліганства», а затым за «злоснае непадпарадкаванне патрабаванням адміністрацыі папраўчай установы». Пад прэвентыўным наглядам Дашкевіч павінен знаходзіцца на працягу паўгода пасля вызвалення. Яму забаронена пакідаць месца жыхарства з 20 да 6 гадзін.

6 лістапада Дашкевіч быў затрыманы ў Менску падчас акцыі «Маладога фронту»: яе ўдзельнікі збіралі подпісы мінакоў за вяртанне сталічнай вуліцы Леніна яе гістарычнай назвы - Францысканскай. У той жа дзень палітыка асудзілі за непадпарадкаванне міліцыі на трое сутак арышту ў Цэнтры ізаляцыі правапарушальнікаў. Дашкевіч сваёй віны не прызнаў, заявіўшы, што яго асудзілі на падставе сфальсіфікаванага пратаколу, і расцаніў дзеянні ўладаў як «працяг курсу на пераслед іншадумцаў».

5 снежня Дашкевіч быў папярэджаны аб магчымым падаўжэнні і ўзмацненні прэвентыўнага нагляду ў выпадку «далейшага аказання супраціву супрацоўнікам міліцыі».

Напісаць каментар 11

Таксама сачыце за акаўнтамі Charter97.org у сацыяльных сетках