29 сакавiка 2024, Пятніца, 18:16
Падтрымайце
сайт
Сім сім,
Хартыя 97!
Рубрыкі

Цэнзура не прапусціла ліст Статкевіча аб Майдане

10
Цэнзура не прапусціла ліст Статкевіча аб Майдане

Палітвязень Мікалай Статкевіч напісаў свайму брату, які жыве ва Украіне, ліст аб Майдане і адносінах Украіны з Расеяй.

Але гэты ліст з турмы ў Магілёве, дзе трымаюць былога кандыдата ў прэзідэнты, так і не высланы.

Пра гэта «Радыё Свабода» паведаміла жонка палітвязня Марына Адамовіч са спасылкай на яго апошні ліст.

«Напісаў у лісце пра Майдан, пра тое, што даслаў ліст брату аб Майдане і пра тое, чым можа скончыцца спроба Масквы «памерацца гаманцамі з Еўразвязам за Украіну». Але ліст не прапусціла турэмная цэнзура», - паведаміла жонка палітвязня.

Калі цэнзура не прапускае нейкі ліст, зняволенаму могуць вярнуць пусты канверт. Што і адбылося з лістом Мікалая Статкевіча да брата ва Украіну. Так Марына Адамовіч патлумачыла, адкуль яе муж ведае пра лёс свайго ліста аб Майдане. Што менавіта напісаў пра падзеі ў Кіеве Статкевіч, ёй невядома.

Таксама, са слоў Марыны Адамовіч, у апошнім лісце Мікалай адзначыў, што нядаўна споўнілася 3 гады як ён апынуўся за кратамі і гэта была сапраўды палова прызначанага яму тэрміну. «Напісаў, што час для яго праляцеў вельмі хутка», - кажа Марына Адамовіч.

Мікалай Статкевіч быў асуджаны на 6 гадоў пазбаўлення волі нібыта за арганізацыю масавых беспарадкаў 19 снежня 2010 года.

Напісаць каментар 10

Таксама сачыце за акаўнтамі Charter97.org у сацыяльных сетках