На стаянцы ў Светлагорску спалілі BMW фатаздымкі

Супрацоўнікі МНС знайшлі на асфальце сляды гаручай вадкасці.

Жыхар Светлагорска звярнуў увагу на нейкае свячэнне ў двары прыкладна а 3:00. Выглянуў у акно дзевяціпавярховікі і ўбачыў, што на стаянцы гарыць ягоны BMW 1998 года выпуску. Схапіўшы першае якое трапілася покрыва і вядро з вадой, пабег ратаваць. Аб некаторых абставінах гэтага пажару onliner.by распавялі ў МНС.

Першапачаткова гарэла адно з колаў. Аўтамабіліст здолеў адкрыць дзверы і ўручную выштурхаць машыну з шэрагу іншых аўтамабіляў на стаянцы. Самастойна патушыць агонь не атрымалася, ён перакінуўся на пярэднюю частку машыны. Затым прыбылі ратавальнікі, якія ліквідавалі пажар.

Згарэлі колы, пашкоджаны маторны адсек і салон. Паводле дадзеных МНС, на асфальце знойдзеныя нейкія «аэразольныя сляды», якія могуць сведчыць аб прысутнасці на месцы гаручай вадкасці. Вывучаецца версія падпалу.