Жыхар Ліды абліў сябе бензінам і падпаліў

Жыхар горада Ліда спрабаваў скончыць жыццё самагубствам метадам самаспалення.

Пра гэта паведамілі charter97.org у прэс-службе МНС.

«Раніцай у нядзелю паступіла паведамленне аб тым, што ў рэанімацыйнае аддзяленне Лідскай цэнтральнай раённай бальніцы шпіталізаваны грамадзянін з апёкамі галавы, шыі, пярэдняй паверхні грудной клеткі, тыльнай паверхняй рук. Апёкі ён атрымаў пры спробе суіцыду на месцы жыхарства: абліў сябе бензінам і падпаліў», - адзначылі там.