Менчукі будуюць паркоўкі ў дварах за свае грошы

У сталічным мікрараёне Малінаўка за кошт жыхароў пачалося забудаванне паркоўкі на 57 месцаў.

Будаўнікі знялі на пляцоўцы верхні пласт грунту і ўжо прыступілі да кладкі бартавога каменя, паведамляюць «Минск-Новости».

- Паркоўка ўзводзіцца за кошт сродкаў жыхароў некалькіх навакольных дамоў, - распавёў Аляксандр Казлоў, дырэктар мясцовага ЖЭСа. - Кожны з іх унёс па 7 мільёнаў рублёў. Але яно таго варта: пасля заканчэння работ аўто гэтых жыхароў здабудуць замацаваныя толькі за імі персанальныя парковачныя месцы.

Уладкоўваюць стаянку спецыялісты аднаго з падраздзяленняў ЖРЭА Маскоўскага раёна.

- Гэтая стаянка ў нас трэцяя, - адзначыў Аляксандр Казлоў. - Раней мы за кошт жыхароў стварылі дзве паркоўкі на 28 і 8 месцаў. Праца будзе працягнутая. Ужо ўзгоднена будаўніцтва за кошт сродкаў жыхароў яшчэ трох міні-парковак агульнай умяшчальнасцю ў два дзесяткі машын. Зразумела, што гарадскія двары не гумовыя, але пастараемся і ў далейшым адшукваць месцы для стварэння парковак.