Барозу: Парашэнка і Пуцін дамовіліся аб выкананні Менскага пратаколу
5- 17.10.2014, 14:08
- 6,138
Прэзідэнты Украіны і Расеі дамовіліся ў Мілане аб выкананні Менскага пратаколу «для стварэння даверу паміж старанамі».
Пра гэта паведаміў журналістам прэзідэнт Еўракамісіі Жазэ Мануэль Барозу паводле вынікаў шматбаковай сустрэчы з удзелам лідараў ЕЗ і прэзідэнтаў Украіны і Расеі сёння ў Мілане, піша УНІАН.
Са слоў Барозу, ключавыя пункты дамоўленасцей - верыфікацыя рэжыму спынення агню, правядзенне выбараў на Данбасе згодна з украінскім заканадаўствам і кантроль за мяжой.
«Гэта была добрая сустрэча. Ключ - гэта выкананне. Што было ўзгоднена, так гэта неабходнасць выканаць Менскі пратакол. Менскае пагадненне жыццёва важнае, каб стварыць давер паміж старанамі», - заявіў ён.
Барозу адзначыў 3 важных пункты, якія павінны быць выкананыя. «Першае - гэта верыфікацыя рэжыму спынення агню. Другое - неабходнасць правядзення выбараў у той частцы Украіны ў адпаведнасці з украінскім заканадаўствам. І трэцяе - гэта кантроль і нагляд за мяжой», - сказаў ён.
Таксама ён дадаў, што адбудуцца і іншыя сустрэчы ў пытанні імплементацыі дасягнутых дамоўленасцей.