На плошчы Бангалор удзень утварыўся вялізны корак

Транспартны калапс утварыўся на плошчы Бангалор і прылеглых вуліцах Багдановіча і Арлоўскай.

Як паведамляюць «Мінск-Навіны», у сувязі з закрыццём для транспартных сродкаў адцінка вуліцы Сурганава ад плошчы Бангалор у кірунку вуліцы Куйбышава моцна абцяжараны аўтамабільны рух на вуліцы Максіма Багдановіча ад скрыжавання з вуліцай Веры Харужай у кірунку плошчы Бангалор.

Цяжкасці адчувалі і кіроўцы, якія збочвалі направа з вуліцы Багдановіча на вуліцу Кульман, а таксама тыя, хто выязджае з гэтай вуліцы на вуліцу Багдановіча ў бок плошчы Бангалор.

У чаканні праезду некаторыя збочваюць направа у двары, спадзеючыся, што так можна хутчэй выбрацца з корка. А адзін кіроўца маршрутнага аўтобуса №53 прымудрыўся ехаць паралельна праезнай частцы, проста па ходніках.

Аб закрытым адцінку вуліцы Сурганава аўтамабілістаў інфармуюць адпаведныя дарожныя знакі, устаноўленая таксама агароджа на праезнай частцы. шыльды паказваюць кіроўцам кірунак аб'езду закрытай дзялянкі па вуліцы Багдановіча з далейшым паваротам направа на вуліцу Някрасава.