Намесніца Макея паляцела ў Славенію

Алена Купчына на чале беларускай дэлегацыі наведвае з рабочым візітам Славенію.

Сёння яна бярэ ўдзел у беларуска-славенскім бізнэс-форуме, які папярэднічае чацвёртаму пасяджэнню міжурадавай беларуска-славенскай камісіі ў гандлёва-эканамічным і навукова-тэхнічным супрацоўніцтве, паведамляе БелТА.

Бізнэс-форум і кантактна-кааперацыйная біржа для прадстаўнікоў дзелавых колаў дзвюх дзяржаў праходзяць пад эгідай гандлёва-прамысловых палат Славеніі і Беларусі. Як чакаецца, бакі выпрацуюць найбольш прымальныя шляхі перспектыўнага ўзаемадзеяння ў розных напрамках. У беларускую дэлегацыю дзелавых колаў увайшлі прадстаўнікі розных сфер дзейнасці.

На пленарным пасяджэнні міжурадавай беларуска-славенскай камісіі ў гандлёва-эканамічным і навукова-тэхнічным супрацоўніцтве 21 кастрычніка Алена Купчына будзе старшынстваваць з боку Беларусі. Старшынёй славенскай часткі з'яўляецца генеральны дырэктар дэпартамента эканамічнай дыпламатыі МЗС Станіслаў Рашчан. На мерапрыемстве трэба будзе разгледзець стан і перспектывы развіцця беларуска-славенскага гандлёва-эканамічнага ўзаемадзеяння, уключаючы супрацоўніцтва ў сферы прамысловасці, транспарту, сельскай гаспадаркі і турызму, а таксама далейшае ўдасканаленне дагаворна-прававой базы.

Акрамя таго, плануецца ўзгадніць канкрэтныя прапановы ў пашырэнні маштабу супрацоўніцтва ў эканамічнай сферы, рэалізацыі новых сумесных праектаў. Намечана таксама падпісаць мемарандум аб супрацоўніцтве паміж Нацыянальным агенцтвам у інвестыцыях і прыватызацыі Беларусі і Дзяржаўным агенцтвам Славеніі ў падтрымцы прадпрымальніцтва, інавацый і турызму SPIRIT.

Падчас візіту Алены Купчыной Славеніі плануюцца перамовы з дзяржаўным сакратаром Міністэрства замежных спраў Славеніі, а таксама сустрэчы з прадстаўнікамі дзелавых колаў Славеніі.

Нагадаем, паводле інфармацыі еўрапейскіх СМІ, менавіта Славенія спрабавала заблакаваць увядзенне санкцый ЕЗ супраць беларускіх чыноўнікаў і алігархаў у 2012 годзе.